OPEC+ karary nebit bazaryny dikeltmekligi tizleşdirip biler — Muhammed Arkab
14:50 10.07.2020 3392
6-njy iýunda OPEC+ ministrleriniň kabul eden karary nebit bazaryny dikeltmekligi tizleşdirip biler, diýip duşenbe güni OPEC maslahatynyň prezidenti, Alžiriň energetika ministri Muhammed Arkab belledi, diýip TASS habar berýär.«OPEC+ ministrleriniň nebit çykarylyşyny çäklendirmegiň häzirki hereket edýän ölçeglerini uzaltmak hakynda geden şenbe güni kabul eden çözgüdi nebit bazaryny dikeltmekligi tizleşdirip we nebit ammarlaryny dolmagyny haýalladyp biler. Bu bolsa bazaryň kadalaşmagyna ýardam eder» - diýip onuň aýdanlaryny Algerie Press Service habarlar agentligi getirýär.Arkabyň nygtaýşy ýaly, şenbe günündäki duşuşykdaky kabul edilen çözgüt ählumumy bähbidiň hatyrasyna nebit bazaryny durnuklaşdyrmak üçin görlüp-eşidilmedik ykdysady çökgünlik şertlerinde hyzmatdaşlyk etmegiň we köpugurly özara gatnaşyklaryň wajyplygynyň ýokarydygyny nobatdaky gezek tassyklaýar. Ol şeýle hem «taraplaryň ählisiniň ylalaşykly çözgütleri tapmaga, aýratyn hem duşuşyklardan öň geçirilýän gepleşiklerde çözgütleri tapmaga bolan oňaýly ymtylyşyna we taýýarlygyna» ýokary baha berdi.Arkabyň pikirine görä, 6-njy iýunda geçirilen OPEC we OPEC+ ministrleriniň duşuşygy «kabul edilen çözgütleriň häzirki adatdan daşary ýagdaýlarda nebit bazarynyň ýüzbe-ýüz bolan çagyryşlaryna barabardygyny nazara alsaň, iň netijeli duşuşyklaryň biri boldy».OPEC maslahatynyň prezidentiniň şeýle hem belleýşi ýaly, «ýylyň ahyryna çenli her aýda geçirilip duruljak monitoring boýunça bilelikdäki ministrler geňeşiniň mejlisi bazary öwrenmäge we geljekki meýilnamalar baha bermäge mümkinçilik berýär. Şunuň netijesinde zerur bolan ýagdaýlarda goşmaça çäreler görler».OPEC+ ýurtlary 12-nji aprelde adatdan daşary geçirilen wideomaslahatda nebitiň çykarylyşyny çäklendirmek hakynda ylalaşyk baglaşdylar. Ylalaşyga laýyklykda, nebitiň çykarylyşy maý-iýun aýlarynda 9,7 mln b/g, iýulda-dekabrda – 7,7 mln b/g, 2021-nji ýylyň ýanwaryndan – 2022-nji ýylyň apreli – 5,8 mln b,g azaldylmagy. 6-nji iýunda OPEC+ ministrleri nebit çykarylyşyny 9,7 mln b/g çäklendirmek hakynda hereket edýän ylalaşygyň ölçeglerini iýul aýyna çenli hem uzaltmagy ylalaşdylar.
ÝB — Merkezi Aziýa forumynda ulag, nebitgaz we beýleki pudaklarda hyzmatdaşlygy işjeňleşdirmek meseleleri maslahatlaşyldy
Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti 19-njy maýda Almatyda geçirilen ikinji ÝB — Merkezi Aziýa ykdysady forumyna gatnaşdy. Bu barada Türkmenistanyň Gazagystandaky ilçihanasy habar berýär.
Serdar Berdimuhamedow watandaşlaryny Türkmenistanyň Konstitusiýasynyň we Döwlet baýdagynyň güni bilen gutlady
Prezident Serdar Berdimuhamedow watandaşlaryny ýurdumyzda 18-nji maýda bellenilip geçilýän Türkmenistanyň Konstitusiýasynyň we Döwlet baýdagynyň güni mynasybetli gutlady.
Hökümet mejlisinde nebitiň we gazyň çykarylyşyny artdyrmak boýunça çäreler maslahatlaşyldy
17-nji maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň möhüm meselelerine garaldy.
Türkmenistanyň wekiliýeti Kazandaky forumda ulag, logistika we senagat ulgamynda hyzmatdaşlyk meselelerini maslahatlaşdy
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýewiň ýolbaşçylygyndaky türkmen wekiliýeti «Russiýa – Yslam dünýäsi: KazanForum2023» XIV Kazan Halkara ykdysady forumyna gatnaşdy diýip, Türkmenistany DIM-niň saýty habar berýär.
«Dostluk» ýatagyny bilelikde özleşdirmek hakynda Ylalaşygy taýýarlamakda öňegidişlik gazanyldy — Türkmenistanyň DIM-i
27-nji ýanwarda «Hazar deňizdäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşygyň» taslamasyny işläp taýýarlamak we ylalaşmak boýunça Bilelikdäki Iş toparynyň dördünji mejlisi geçirildi diýip, Türkmenistanyň DIM-niň saýty habar berýär.