Türkmenistanyň BAE-däki ilçisi: emirlikleriň işewürliginiň türkmen bazarynda ornuny berkitmekde gyzyklanmasy artýar
23:11 29.04.2023 5384
Soňky ýyllarda Türkmenistan gaz şahalary Hytaýa, Russiýa, Azerbaýjana, Gazagystana, Özbegistana we Eýrana uzaýan sebitde iri gaz merkezi hökmünde ornuny has hem berkitdi. Ýurdumyz gaz ugurlarynyň eksportynyň çäklerini giňeltmegiň üstünde işleýär. Bu barada Türkmenistanyň BAE-däki Adatdan daşary we Doly ygtyýarly ilçisi Serdarmämmet Garajaýew Türkmenistanyň energetika pudagyna daşary ýurt maýa goýumlaryny çekmek boýunça 26-27-nji aprelde Dubaýda geçirilen halkara forumda eden çykyşynda belledi.
Diplomatyň aýtmagyna görä, bu günki gün energetiki Ýüpek ýoly emele gelýär. Beýik Ýüpek ýolunyň ugrunda ýerleşmek bilen, Merkezi Aziýa dünýäniň energetika arhitekturasynyň emele gelmeginde has uly rol oýnap başlady.
Merkezi Aziýa dünýä iň iri nebit we gaz ätiýaçlyklaryna eýe. Bu kanunalaýyklyk hem onuň ählumumy energetika howpsuzlygyny üpjün etmekde aýratyn ornuny, dünýä jemgyýetçiliginiň sebitimize ünsüniň artmagyny şertlendirýär diýip, Türkmenistanyň ilçisi belledi.
Garajaýew şeýle hem energetika we ulag geçelgesi hökmünde Hazaryň artýan täsirini belledi. Häzirki wagtda täze çeşmeleri gözlemek, ilkinji nobatda, Hazar deňzi sebitinden gazy gözlemek meselesi bar.
Birleşen Arap Emirlikleri bilen ikitaraplaýyn gatnaşyklary häsiýetlendirmek bilen, ilçi bu ýurtduň Türkmenistanyň öňden gelýän hem iri söwda-ykdysady hyzmatdaşly bolup durýandygyny belledi.
Garajaýewiň bellemegine görä, geljegi uly türkmen bazarynda öz ornuny berkitmek babatda emirlikleriň işewürleriniň gyzyklanmasy barha artýar. Bu Prezident Serdar Berdimuhamedow tarapyndan durmuşa geçirilýän maýa goýum syýasaty, ýurtda ýaýbaňlandyrylan özgertmeler we taslamalar bilen şertlendirilendir.
Ikitaraplaýyn hyzmatdaşlygyň ileri tutulýan ugurlarynyň hatarynda ýangyç-energetika toplumy durýar diýip, diplomat belledi. Bu ugurda ägirt uly mümkinçiliklere eýe bolan Türkmenistan tebigy gazy eksport ediji döwletleriň biri bolup durýar. Önümleri halkara bazarlaryna çykarylýan gazhimiýa pudagy hem ösdürilýär. Şunuň bilen baglylykda, ýurdumyz BAE-niň öňdebaryjy energetika kompaniýalary bilen netijeli hyzmatdaşlyk etmäge taýýar.
Garajaýewiň belleýşi ýaly, ikitaraplaýyn gatnaşyklaryň ösmegine Türkmenistanyň Prezidenti Serdar Berdimuhamedowyň 2022-nji ýylyň noýabr aýynda we Türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň 2023-nji ýylyň fewral aýynda Birleşen Arap Emirliklerine saparlary goşmaça itergi berdi. Ýokary derejede geçirilen gepleşikleriň netijeleri boýunça birnäçe ylalaşyklar baglaşyldy.
Şolaryň hatarynda «Türkmenenergo» döwlet elektroenergetika korporasiýasy bilen «Abu Dhabi Future Energy Company – Masdar» kompaniýasynyň arasynda Türkmenistanda energiýanyň dikeldilýän çeşmelerini ösdürmek boýunça özara gatnaşyk etmek hakynda Ähtnama, «Türkmengaz» döwlet konserni bilen Abu-Dabiniň Milli nebit kompaniýasynyň (ADNOC) arasynda energetika ulgamynda hyzmatdaşlyk babatda özara düşünişmek hakynda gol çekilen Ähtnama bar.
Taraplar şeýle hem «Türkmengaz» döwlet konserni bilen ADNOC-yň arasynda hyzmatdaşlygy berkitmäge gönükdirilen Ähtnamanyň düzgünlerini durmuşa geçirmegiň zerurlygyny nygtadylar. Şeýle hem resminamalarda türkmen tebigy gazyny dünýä bazarlaryna çykarmagyň möhüm ähmiýeti bellenilýär. Şu maksatlar bilen taraplar nebitgaz ulgamyndaky bilelikdäki taslamalary hem goldaýarlar.
Gazy eksport ediji ýurtlaryň forumy 2050-nji ýyla çenli Türkmenistanda gaz çykarylyşynyň iki esse artmagyny çaklaýar
Gazy eksport ediji ýurtlaryň forumynyň (GECF) Baş sekretary Muhammet Hamel Türkmenistanyň ykdysadyýetine daşary ýurt maýa goýumlaryny çekmek boýunça Malaýziýada geçirilen halkara forumda (TEIF 2025) eden çykyşynda dünýäde ikinji uly gaz ýatagynyň işjeň ösdürilmegi we turba geçirijileriň giňeldilmegi bilen, Türkmenistanyň gaz çykarylyşyny 2050-nji ýyla çenli iki esse ýokarlandyryp, ýylda 150 milliard kub metre çenli ýetirip biljekdigini belledi.
Türkmen geofizikleriniň netijeli işi geljegi uly nebitgaz ýataklaryny ýüze çykarmaga ýardam edýär
Mälim bolşy ýaly, şu ýylyň 13-nji ýanwarynda Balkan welaýatyna iş saparynyň çäklerinde Prezident Gurbanguly Berdimuhamedow «Uzynаda» känine baryp gördi we nebitgaz toplumyny mundan beýläk-de ösdürmek hem-de ýurdumyzyň baý çig mal binýadyny özleşdirmek boýunça maslahat geçirdi.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.
Kuala-Lumpurda TEIF 2025 forumy Türkmenistana bolan gyzyklanmanyň artýandygyny görkezdi
2025-nji ýylyň 23-24-nji aprelinde Malaýziýanyň paýtagty Kuala-Lumpurda geçirilen Türkmenistanyň ykdysadyýetine daşary ýurt maýa goýumlaryny çekmek boýunça halkara forumy TEIF 2025 öz işini tamamlady.
Türkmenistanyň Prezidenti we BAE-niň ykdysadyýet ministri iki ýurduň özara gatnaşyklarynyň geljegini maslahatlaşdylar
25-nji iýunda Prezident Serdar Berdimuhamedow “Türkmenistan — BAE” işewürlik maslahatyna gatnaşmak üçin öz ýurdunyň wekiliýetine ýolbaşçylyk edip, türkmen paýtagtyna gelen Birleşen Arap Emirlikleriniň ykdysadyýet ministri Abdulla bin Tuk Al-Marrini kabul etdi diýip, TDH habar berýär.