«Yslam Ösüş Banky we Doktor Ahmad Mohammad Ali. Institutyň taryhy we onuň Prezidentiniň ýoly» atly kitabyň tanyşdyrylyşy geçirildi
07:18 07.07.2023 8982
6-nji iýulda Türkmenistanyň daşary işler ministrliginiň Halkara gatnaşyklary institutynda Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa Yslam ösüş bankynyň ilkinji prezidenti Ahmad Mohamed Ali Al-Madani tarapyndan sowgat berlen “Yslam Ösüş Banky we Doktor Ahmad Mohammad Ali. Institutyň taryhy we onuň Prezidentiniň ýoly” atly kitabyň tanyşdyrylyş dabarasy geçirildi. Bu barada Türkmenistanyň DIM-niň saýty habar berýär.
Tanyşdyrylyş dabara Türkmenistanyň daşary işler ministrliginiň, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň, Türkmenistanyň döwlet daşary ykdysady iş bankynyň, birnäçe ministrlikleriň we pudak edaralaryň ýolbaşçylary we wekilleri, ýurdumyzyň ýokary okuw mekdepleriniň mugallymlary we talyplary, şeýle hem ýurdumyzda işleýän daşary ýurtlaryň diplomatik missiýalarynyň, halkara we sebit guramalaryň, şol sanda, bank-maliýe düzümleriň wekilhanalarynyň ýolbaşçylary hem-de işgärleri gatnaşdy.
Çykyşlarda Yslam ösüş bankynyň döredilmeginiň taryhyna, onuň şu gününe we alyp barýan işine aýratyn üns çekildi, bu maliýe edaranyň agza ýurtlar, şol sanda, Türkmenistan bilen hyzmatdaşlygynyň ösüşi barada giňişleýin maglumat berildi.
Türkmenistan bilen Yslam ösüş bankynyň köpýyllyk we netijeli gatnaşyklaryny nygtamak bilen, söwda-ykdysady häsiýetli giň gerimli hyzmatdaşlygy amala aşyrmak nukdaýnazaryndan, ilki bilen, ählumumy ähmiýete eýe bolan taslamalary durmuşa geçirmeklige gönükdirilen maýa goýum syýasat ulgamyna uly orun degişlidigi bellendi.
Türkmenistanyň daşary işler ministri R.Meredowyň çykyşynda belleýşi ýaly, 1994-nji ýyldan bäri Yslam Ösüş Banky bilen netijeli hyzmatdaşlygynyň dowamynda Türkmenistanda Bank tarapyndan 26 taslama maliýeleşdirildi. Bu taslamalar Türkmenistanyň durnukly durmuş-ykdysady ösüşi üçin möhüm ähmiýete eýe bolup, lukmançylyk we saglygy goraýyş, suw hojalygy, demir we deňiz ýollary, telekommunikasiýa, tebigy gazy ibermek infrastrukturasy ýaly pudaklara degişlidir.
R.Meredow strategik hyzmatdaşlyga öwrülen şeýle üstünlikli özara bähbitli gatnaşyklaryň gözbaşynda Türkmen halkynyň Milli Lideri, Türkmenistanyň Halk Maslahatynyň Başlygynyň durandygyny nygtady.
Türkmenistanyň Prezidenti Serdar Berdimuhamedowyň bu gün Türkmenistanyň abraýly halkara maliýe we söwda guramalary bilen hyzmatdaşlygyny giňeltmek we çuňlaşdyrmak, ýurdumyzy dünýä maliýe jemgyýetçiliginiň doly hukukly agzasy hökmünde kabul etdirmek ugrundaky syýasaty dowam edýändigi bellenildi.
Kitabyň tanyşdyrylyş dabarasynyň çäklerinde oňa gatnaşyjylar Türkmenistan bilen Yslam ösüş bankynyň bilelikdäki taslamalaryna we hyzmatdaşlygyna bagyşlanan sergi bilen tanyşdyryldy.
Türkmenistanyň Prezidenti Astanada “Merkezi Aziýa — Italiýa” formatyndaky birinji sammite gatnaşar
Prezident Serdar Berdimuhamedow 30-njy maýda Astanada geçiriljek “Merkezi Aziýa — Italiýa” formatyndaky döwlet Baştutanlarynyň birinji sammitine gatnaşar. Şunuň bilen baglylykda, Türkmenistanyň Prezidentiniň Gazagystan Respublikasynyň Astana şäherine iş saparyna görülýän taýýarlyk barada wise-premýer, daşary işler ministri R.Meredow Hökümet mejlisinde hasabat berdi. Bu barada TDH habar berýär.
Russiýanyň we Türkmenistanyň DIM-niň ýolbaşçylary Türkmenistanda geçiriljek VI Hazar sammitiniň gün tertibini maslahatlaşdylar
22-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow Russiýa Federasiýasyna resmi saparynyň çäklerinde rus kärdeşli Sergeý Lawrow bilen 2022-nji ýylda Türkmenistanda geçiriljek VI Hazar sammitiniö gün tertibini maslahatlaşdylar.
Merkezi saýlaw topary Türkmenistanda Prezidenti wezipesine dalaşgärleri bellige almak çäresini tamamlady
Türkmenistanda iň ýokary döwlet wezipesine dalaşgärleri bellige almak çäresi tamamlandy. Dalaşgärleri hödürlemek hem-de bellige almak çäresi tamamlanandan soň, iň ýokary döwlet wezipesine hödürlenen dalaşgärler bilen saýlawçylaryň duşuşyklary geçirilýär. Bu barada Türkmenistanda Saýlawlary we sala salşyklary geçirmek boýunça merkezi toparyň saýtynda habar berilýär.
Nebit we nebit önümleri daşary ýurtlara ýüklenip iberilende ýük amallaryny geçirmek boýunça düzgünleri kämilleşdirmek işleri maslahatlaşyldy
29-njy maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.
Lebap welaýatynyň saýlawçylary Türkmenistanyň Prezidentligine Demokratik partiýadan dalaşgär bilen duşuşdylar
Çarşenbe güni Lebap welaýat häkimliginiň maslahatlar zalynda Demokratik partiýa tarapyndan Türkmenistanyň Prezidenti wezipesine dalaşgär hödürlenen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy boldy. Bu barada Türkmenistanyň Döwlet habarlar agentligi habar berýär.