Türkmen geofizikleriniň netijeli işi geljegi uly nebitgaz ýataklaryny ýüze çykarmaga ýardam edýär

00:22 12.02.2022 11246

https://oilgas.gov.tm/storage/posts/3951/original-16204c558dbe3a.jpeg

Mälim bolşy ýaly, şu ýylyň 13-nji ýanwarynda Balkan welaýatyna iş saparynyň çäklerinde Prezident Gurbanguly Berdimuhamedow «Uzynаda» känine baryp gördi we nebitgaz toplumyny mundan beýläk-de ösdürmek hem-de ýurdumyzyň baý çig mal binýadyny özleşdirmek boýunça maslahat geçirdi.

Saparyň barşynda döwlet Baştutany Balkan welaýatynyň çäklerinde geçirilen geofiziki barlaglaryň netijeleri, türkmen Lideriniň Hazaryň kenarýaka çäklerinde barlag-gözleg, buraw işlerini geçirmek boýunça ozal beren tabşyryklarynyň ýerine ýetirilişi bilen gyzyklandy. Prezident uglewodorod serişdelerine baý gorlar barada maglumat berýän taslamalar bilen tanyşlygyň dowamynda Balkan welaýatynda we onuň kenarýaka çäklerindäki meýdançalarda barlag-gözleg, buraw işlerini geçirmek üçin hemme şertleriň döredilendigini belläp, öňde goýlan wezipeleri ýerine ýetirmek boýunça alnyp barylýan işleri mundan beýläk-de maksatnamalaýyn esasda dowam etmegi tabşyrdy. Türkmen Lideri bu işleriň ýurdumyzyň ykdysady ösüşinde esasy orunlaryň birini eýeleýän nebitgaz pudagynyň önümçilik görkezijileriniň durnukly artdyrylmagyny üpjün etmäge gönükdirilendigini belledi.

Türkmen Lideriniň 2022-nji ýylyň başynda Balkan welaýatyna sapary pudagyň zähmetkeşlerini täze zähmet üstünliklerine ruhlandyrdy.

Geljegi uly bu meýdançada ilkinji gözleg-barlag işleri 2013-nji ýylda «Türkmengeologiýa» döwlet korporasiýasynyň Balkan geofizika ekspedisiýasy tarapyndan erine ýetirildi. Bu günki gün bu ýerde uglewodorod serişdeleriniň senagat akymy alynýar. Bellenilen meýilnama laýyklykda, 2D we 3D seýsmobarlag ölçegleri, ugurdaş we grawimetriki işler alnyp barylýar, dürli görnüşli barlag usullary geçirilýär.

Geçen ýylda ekspedisiýanyň zähmetkeş toparlary 2D usuly bilen 1 müň 22 pogon kilometrde işler ýerine ýetirildi, şol bir wagtda 57 pogon kilometrde işler bellenilen meýilnamadan artyk ýerine ýetirildi. 3D usuly bilen 465 inedördül kilometrde işler ýerine ýetirildi, bu görkeziji 2020-nji ýyldakydan 10 inedördül kilometr artykdyr.

6-7 müň metr çuňlukda plastlaryň barlagy netijesinde alnan seýsmiki maglumatlar geljegi uly nebitgaz ýataklaryny ýüze çykarmaga ýardam edýär. Toplanan maglumatlar geologiýa maglumat merkezine ugradylýar. Ol ýerde düýpli seljerme işleri geçirilýär we meýdançanyň kartasy taýýarlanylýar.

Soňky ýyllarda pudaga innowasion tehnologiýalaryň ornaşdyrylmagy geofizikleriň işini düýpli ýeňilleşdirdi. Balkan welaýatynyň çäginde seýsmiko-gözleg işlerini alyp barýan ekspedisiýanyň esasy wezipesi çuňlukdaky plastlaryň geologiki gurluşyny öwrenmek, geljegi uly meýdançalary, uglewodorod çig mally plastlaryň anyk ýerini ýüze çykarmak bolup durýar. Bu maglumatlaryň esasynda teklipler we maslahatlar taýýarlanylýar.

Buu günki güne çenli ýurdumyzyň günbatar sebitiniň gyzyl plastlary dolulygyna diýen ýaly öwrenildi. Etrek etrabynyň çäginde ekspedisiýanyň hünärmenleri tarapyndan «Rüstemgala» we «Depin» meýdançalarynda 2D barlag işleri, Esenguly etrabynyň çägindäki «Gukurguýy» meýdançasynda 3D barlag işleri, «Ekerem» meýdançasynda grawimetriki barlaglar dowam edýär.

Türkmen alymlarynyň çaklamalaryna görä, miosen plastlary uglewodorod çig malyna baýdyr. Ekspedisiýanyň hünärmenleri tarapyndan geçirilýän bu we beýleki işler «Halkyň Arkadagly zamanasy» şygary satynda geçýän ýylyň üstünliklerine mynasyp goşant bolýar.

Başga makalalar
163620caa39d90.jpeg
Türkmenistan Hazaryň üsti bilen Ýewropa gaz geçiriji gurmak meýillerini dowam edýär

«Hazarüsti gaz geçirijisi gün tertibinden aýrylanok». Bu barada Türkmenistanyň wise-premýeri Şahym Abdrahmanow Abu-Dabide ADIPEC maslahatynda belläp geçdi diýip, Interfaks habar berýär.


1616522e7bd172.jpeg
TNGIZT-niň önümleri — birža söwdalarynda öňdeligi eýeleýär

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 16-sy hasaba alyndy.


16163d5f179cf7.jpeg
Gurbanguly Berdimuhamedow “EKSPO — 2020” Bütindünýä sergisiniň çäklerinde guralan Türkmenistanyň milli gününe gatnaşdy

9-njy oktýabrda Prezident Gurbanguly Berdimuhamedow Birleşen Arap Emirliklerine iş saparyny amala aşyryp, Dubaý şäherinde geçirilýän “EKSPO — 2020” Bütindünýä sergisiniň çäklerinde guralan Türkmenistanyň milli gününe gatnaşdy diýip, Türkmenistanyň daşary syýasat edarasynyň saýty habar berýär.


16163d6a1685cc.jpeg
Türkmenistan we BAE maýa goýumlar, portlar we energetika ulgamynda ylalaşyga gol çekdi

Türkmenistan we BAE maýa goýumlar, portlar we energetika ulgamynda birnäçe ylalaşyklara we Ähtnamalara gol çekdiler. Gol çekmek dabarasy Prezident Gurbanguly Berdimuhamedowyň Birleşen Arap Emirlikleriniň Premýer-ministriniň orunbasary, Prezidentiň işleri boýunça ministri Şeýh Mansur bin Zaýed Al Nahaýýan bilen “EKSPO — 2020” Bütindünýä sergisiniň Baş kabul ediş merkezinde geçiren duşuşygynda geçirildi.


16163d9754233d.jpeg
Giňişleýin Hökümet mejlisinde nebitgaz toplumynyň 9 aý boýunça işiniň netijeleri maslahatlaşyldy

Geçen anna güni Türkmenistanyň Prezidenti Gurbanguly Berdimuhamedow Ministrler Kabinetiniň sanly ulgam arkaly giňişleýin mejlisini geçirdi. Onda ykdysadyýetiň pudaklarynda 2021-nji ýylyň dokuz aýynda ykdysadyýetimiziň ähli pudaklarynda, şol sanda nebitgaz toplumynda alnyp barlan işleriň jemleri jemlenildi.