Ilkinji wirtual sergide Türkmenistanyň önümçilik we senagat mümkinçilikleri hödürlenildi
10:44 03.11.2020 7962
Ýekşenbe güni, 1-nji noýabrda Söwda-senagat edarasy ýurdumyzyň ministrlikleri we pudaklaýyn dolandyryş edaralary bilen bilelikde giň möçberli internet-taslama bolan Türkmenistanyň ykdysady gazananlarynyň wirtual sergisini gurady. Ol ýurdumyzyň bitaraplyk derejesine eýe bolmagynyň 25 ýyllygyna bagyşlandy.
Serginiň maksady — gazanylýan üstünlikleri beýan etmek, netijeli mahabat çärelerini guramak, ygtybarly hyzmatdaşlary ýüze çykarmak, täze şertnamalary baglaşylmak, bazaryň meýillerine we öz mümkinçilikleriňe göz ýetirmek.
Innowasion tehnologiýalary ulanmak arkaly ilkinji internet-sergini guramak 2020-2025-nji ýyllarda Türkmenistanyň daşary syýasat işini ösdürmegiň Maksatnamasyny amala aşyrmaga bolan möhüm ädimi äşgär edýär.
Internet-sergini (https://virtualexpo.gov.tm) salgy boýunça synlap bolýar. Serginiň her bölüminde görkezilýän önümler we aragatnaşyk hem-de elektron poçta salgysy arkaly ýola goýulýan hyzmatlar baradaky maglumatlaryň türkmen, rus we iňlis dillerinde beýan edilýändigini aýratyn bellemeli.
Sergide 50-den gowrak gatnaşyjylar bar, olaryň diwarlyklary önümler hem-de hyzmatlar barada doly maglumaty özünde saklaýar. Her bir diwarlykda wideoşekil, maglumat beriji buklet hem-de onuň eýesiniň maglumaty berilýär.
Hususan-da, internet sergisinde ýurdumyzyň nebitgaz toplumynyň kärhanalary hem mynasyp orun aldy. Olaryň hatarynda — «Türkmengaz» we «Türkmennebit» döwlet konsernleri, «Türkmenbaşynyň nebiti gaýtadan işleýän zawodlar toplumy», «Türkmengeologiýa» döwlet korporasiýasy bar. «Türkmengeologiýa» DK geologik gullugyň önümçilik hem tehnologik mümkinçiliklerini hödürleýän wideoşekil ýerleşdirdi.
Öň, Türkmenistanyň Prezidenti Gurbanguly Berdimuhamedow Hökümet mejlisiniň barşynda «Wirtual sergi» — üstünlikleri beýan etmek, netijeli mahabat çäresi, ygtybarly hyzmatdaşlary tapmak, täze şertnamalary baglanyşmak, bazaryň ýörelgelerini we öz mümkinçilikleriňi bahalandyrmak üçin oňat mümkinçilik diýip belledi. «Şular ýaly sergileri guramak üçin innowasion tehnologiýalary has işjeň çekmeli» diýip döwlet Baştutany belledi.
Wirtual sergä noýabr aýynyň dowamynda girip görmek elýeterli bolar.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.