Nebitgazçylaryň we geologlaryň hünär baýramy giňden bellenildi
19:54 14.12.2020 8273
«Türkmenistan — Bitaraplygyň mekany» ýylynyň 14-nji dekabrynyň ir ertiri ýurdumyzyň nebitgaz toplumynyň merkezi edara binasy baýramçylyk dabarasyna beslendi. Geçen hepdäniň ahyrynda hemişelik Bitaraplygymyzyň 25 ýyllyk şanly senesini giň gerimde bütin agzybir halkymyz bilen toýlan zähmetsöýer nebitgazçylar düýn Nebitgaz senagaty we geologiýa işgärleriniň gününi — öz hünär baýramyny baý mazmunly dabaralar bilen bellediler.
Türkmenistanyň Ministrler Kabinetiniň Başlygynyň orunbasary M.Meredowyň ýolbaşçylygynda geçirilen baýramçylyk dabarasynda hormatly Prezidentimiz Gurbanguly Berdimuhamedowyň Nebitgaz senagaty we geologiýa işgärleriniň güni mynasybetli iberen Gutlagy okaldy. Gutlag toplumyň işgärlerinde buýsanç we ruhubelentlik duýgusyny döretdi. Toplumyň göreldeli we işjeň işgärleriniň nebitgaz senagatynda gazanylan üstünlikler, hormatly Prezidentimiziň tagallasy bilen degişli pudagyň ösdürilişi, täze gurlan önümçilikler, amala aşyrylýan taslamalar baradaky çykyşlary hem şowhunly elçarpyşmalar bilen garşylandy.
Mälim bolşy ýaly, indi ýylyň-ýylyna nebitgazçylaryň hünär baýramy uludan bellenilýär we şol gün ajaýyp zähmet netijeleri, hünär ussatlygy, edara-kärhanasynda nusgalyk göreldesi bilen tapawutlanýan toplumyň işgärleri hormatly Prezidentimiziň adyndan sarpalanyp sylaglanylýar. Bu ýyl hem nebitgaz senagatynda, geologiýa pudagynda asylly we ýadawsyz halal zähmeti bilen tapawutlanan işgärlere we hünärmenlere dabaraly ýagdaýda gymmatbaha sowgatlar, ter gül desseleri gowşuryldy.
Dabaraly pursatlarda «Türkmengaz» döwlet konserniniň, Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşiniň «Nebit-gaz» gazeti bilen bilelikde yglan eden «Nebitgaz — baýlygym, hazyna-genjim, waspyň etsin diller saňa buýsanjym!» we «Türkmenistan — Bitaraplygyň mekany, dünýä dolsun parahatlyk mukamy!» atly iň gowy ýazylan makalalaryň, oçerkleriň, fotoreportažlaryň, goşgudyr hekaýalaryň bäsleşikleriniň ýeňijileri yglan edildi we olar Hormat hatlarydyr gymmatbaha sowgatlar bilen sylaglanyldy. Sylag-serpaýa mynasyp bolan nebitgazçylar, geologlar we bäsleşikleriň ýeňijileri baýramçylyk dabarasynda çykyş edip, hoşallyk sözlerini aýtdylar. Bellenilişine görä, şeýle döredijilik bäsleşikleriniň geçirilmegi hormatly Prezidentimiziň ýurdumyzy özgertmekde, şol sanda nebitgaz senagatyny toplumlaýyn ösdürmekde alyp barýan beýik işlerini döredijilikli beýan etmeklige ruhlandyrýar.
Şol günki göwünleri galkyndyran şatlykly pursatlaryň, toý tutumynyň ahyrynda hormatly Prezidentimiz Gurbanguly Berdimuhamedowyň adyna Türkmenistanyň nebitgaz senagaty we geologiýa pudagynyň işgärleriniň ýüzlenmesi kabul edildi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.