Türkmenistanda Garaşsyzlygyň 30 ýyllyk ýubileýi dabaraly bellenilip geçildi
09:08 29.09.2021 7595
27-nji sentýabrda türkmen halky ýurdumyzyň iň esasy baýramçylyklarynyň birini — Türkmenistanyň Garaşsyzlygynyň 30 ýyllygyny belläp geçdi.
Ir bilen Prezident Gurbanguly Berdimuhamedow Türkmenistanyň Garaşsyzlygyna eýe bolmagyny şöhlelendirýän Garaşsyzlyk binasyna gül goýmak dabarasyna gatnaşdy. Dabara gatnaşanlaryň hatarynda ýurdumyzyň ýolbaşçy düzümi, jemgyýetçilik guramalarynyň wekilleri, hormatly ýaşulular, paýtagtymyza gelen daşary ýurtly myhmanlar bar.
Dabara şeýle hem Russiýa Federasiýasyndan — Tatarystan Respublikasynyň Prezidenti Rustam Minnihanow hem-de Sankt-Peterburgyň gubernatory Aleksandr Beglow, ýurdumyzda ygtyýarlandyrylan diplomatik wekilhanalarynyň ýolbaşçylary, harby attaşeler, daşary ýurt kompaniýalarynyň ýolbaşçylary, şeýle hem daşary ýurtly žurnalistler bar.
Soňra dabara gatnaşyjylar şanly sene mynasybetli baýramçylyk harby ýörişi geçirilýän paýtagtymyzyň günortasynda ýerleşen Türkmenistanyň Döwlet münberiniň toplumyna ugradylar.
Harby ýörişe Goranmak ministrliginiň, Milli Howpsuzlyk ministrliginiň, Döwlet serhet gullugynyň we Içeri işler minsitrliginiň düzümleri gatnaşdylar. Asmandan harby uçarlar we dikuçarlar uçup geçdi. Harby ýöriş türkmen esgerleriniň ýokary hünär taýýarlygyny we erjelligini, şeýle hem döwrebap tehnikalary we ýaraglary görkezdi.
Däp boýunça, şanly sene mynasybetli Hökümet agzalary Türkmenistanyň Prezidentine ahalteke bedewini sowgat berdiler.
Soňra Türkmenistanyň welaýatlarynyň we halk hojalygynyň pudaklarynyň zähmetkeştoparlarynyň baýramçylyk ýörişi geçirildi. Münberiň öňünden bäş welaýatyň wekilleri, dürli pudaklaryň we edaralaryň wekilleri, türgenler we medeniýet işgärleri, döredijilik toparlary geçdiler.
Günüň ikiji ýarymynda Kongresler merkezinde medeniýet işgärleriniň baýramçylyk konserti, «Ýyldyz» otelinde bolsa şanly sene mynasybetli resmi kabul edişlik guraldy.
Baýramçylyk gününi Türkmenistanyň Döwlet münberiniň toplumynda geçirilen aýdym-sazly dabara, dronlaryň şüweleňi, şeýle hem baýramçylyk feýerwerki jemledi.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.