Nebit OPEC+ ýygnagyndan öň arzanlamagyny dowam edýär, Brentiň bahasy 84 dollar
10:03 04.11.2021 5071
Etalon söwda belgili nebitleriň bahasy penşenbe güni geçirilmegine garaşylýan OPEC+ ýygnagynyň öňýanynda arzanlamagyny dowam edýär diýip, Interfaks MarketWatch-e salgylanyp habar berýär.
Ylalaşyga gatnaşýan agza ýurtlaryň käbirleri özlerinde nebit çykarylyşyny artdyrmaga mümkinçiligiň ýokdugyny aýdýarlar. Şonuň üçin hem olar «önümçiligi artdyrmaga çagyryşy goldamaýarlar» diýlip Zaner habarynda aýdylýar. Şol bir wagtyň özünde, «Saud Arabystany we Yrak önümçiligi artdyrmak boýunça ägirt uly kuwwata eýedir» diýip kompaniýanyň analitikleri belleýär.
Bilermenleriň pikiriçe, OPEC+ agzalary oktýabr aýynda önümçiligi rugsat berlen maksimuma çenli artdyryp bilmedik bolmaga çemeli.
«Nebiti esasy sarp ediji ýurtlar tarapyndan ýokarlanyp gelýän basyşa garamazdan — ABŞ bilen Hindistandan soň Ýaponiýa hem önümçiligi artdyrmaga çagyrýar. Emma OPEC+ bu ädime taýýardygyny aňladýan hiç hili alamaty görkezmeýärler» - diýip, Commerzbank-yň analitigi Karsten Friç belleýär.
Brent nebitiniň ýanwardaky fýuçersleriniň bahasy Londonyň ICE Futures biržasynda 0,8 göterim arzanlap,, 84,04 dollara barabar boldy. Sişenbe güni olaryň bahalary 0,01 dollar arzanlap, 84,72 dollara barabar bolupdy.
WTI nebitiniň bahalary Nýu-Ýork haryt biržasynda 1,25 göterim arzanlap, 82,86 dollara barabar boldy. Geçenki sessiýanyň netijeleri boýunça olaryň bahalary 0,2 göterim arzanlap, 83,91 dollara deň bolupdy.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.