ABŞ-da ätiýaçlyklaryň azalmagy netijesinde nebit gymmatlamagyny dowam edýär, Brent — 79,39 dollar
15:36 31.12.2021 4189
Geçen hepdede ABŞ-da nebit ätiýaçlyklarynyň garaşylyşyndan has köp azalmagy netijeisnde penşenbe güni irden nebitiň bahalary ýokarlanmagyny dowam etdi.
Interfaksyň habar berşi ýaly, Brent nebitiniň fewraldaky fýuçersleriniň bahasy Londondaky ICE Futures biržasynda 79,39 dollara deň boldy. Bu öňküsi gündäki söwdanyň barşyndan 0,2 göterim artykdyr. Çarşenbe güni söwdalaryň netijesi boýunça bahalar 0,4göterim ýokarlanyp, 79,23 dollara barabar bolupdy.
WTI nebitiniň bahasy Nýu-Ýorkdaky elekstron söwda haryt biržasynda 76,74 dollara barabar boldy. Ösüş 0,24 göterime deň boldy. Çarşenbe güni onuň bahasy 0,8 göterim ýokarlanyp, 76,56 dollara ýetipdi.
Öňküsi gün söwdanyň barşynda nebitiň bahasy noýabryň ahyryndan bäri iň ýokary çägine ýetipdi. Ýylyň başyndan bäri bolsa, iki görnüşiň hem bahalary 50 göterimden gowrak ýokarlandy. Bu ýagdaý onlarça ýylyň dowamynda bolmandy diýip, Trading Economics habar berýär.
Mälim ýolşy ýaly, ABŞ-nyň harytlyk nebit ätiýaçlyklary geçen hepdede 3,58 mln barrel azaldy. Şol bir wagtda bolsa, Bloomberg agentliginiň bilermenleriniň pikir soraşmasynda bu görkezijiniň 2,7 mln barrele ýetmegine garaşylýardy. Benziniň harytlyk ätiýaçlyklary 1,46 mln barrel, distilýatlaryňky 1,73 barrel azaldy.
Mundan başga-da, maýadarlar koronawirusyň «omikron» ştammynyň beýleki görnüşlerinden has howpsuzdygy baradaky maglumatlaryň netijesinde ýurt häkimiýetleriniň hereketlere çäklendirme girizmejekdiklerine ynanýarlar.
Bazaryň bar ünsi häzirki wagtda 4-nji ýanwarda geçiriljke OPEC+ mejlisinde jemlendi. Bu duşuşykda nebit çykarýan döwletleriň wekilleri öň meýilleşdirilen fewral aýynda günde 400 müň barrel nebit önümçiligine çenli önümçiligi artdyrmak meýillerini maslahatlaşarlar.
Türkmenistanyň Prezidentiniň ýanyndaky Döwlet gullugy akademiýasynyň diňleýjileri döwlet dolandyrylyşy boýunça Hytaýda okuw geçerler
Türkmenistanyň Prezidentiniň ýanyndaky Döwlet gullugy akademiýasynyň deňleýjileri HHR-iň Pekin uniwersitetiniň döwlet dolandyrylyşy boýunça gysga möhletleýin okuwyna gatnaşarlar diýip, Türkmenistan Habarlar merkezi habar berýär.
Şahym Abdrahmanow Türkmenistanyň nebitgaz toplumyna gözegçilik edýän wise-premýeri wezipesine gaýtadan bellenildi
Türkmenistanyň Prezidenti Serdar Berdimuhamedow Şahym Abdrahmanowy Türkmenistanyň Ministrler Kabinetiniň Başlygynyň orunbasary wezipesine bellemek hakynda resminama gol çekdi. Degişli resminama döwlet Baştutany anna güni sanly ulgam arkaly geçirilen Hökümet mejlisiniň barşynda gol çekdi.
Türkmenistanyň Prezidenti: Jemi içerki önümiň ösüş depgini ýanwar-aprel aýlarynda 6,3% boldy
2024-nji ýylyň ýanwar-aprel aýlarynda Türkmenistanda jemi içerki önümiň ösüş depgini 6,3%-e deň boldy. Bu barada Prezident Serdar Berdimuhamedow 3-nji maýda sanly ulgam arkaly geçirilen Hökümet mejlisinde aýtdy.
Türkmenistanyň nebitgaz pudagyna daşary ýurt maýa goýumlaryny çekmek boýunça halkara foruma gatnaşyjylara
Sizi Berkarar döwletiň täze eýýamynyň Galkynyşy döwründe paýtagtymyz Aşgabat şäherinde geçirilýän Türkmenistanyň nebitgaz pudagyna daşary ýurt maýa goýumlaryny çekmek boýunça halkara forumyň öz işine başlamagy bilen tüýs ýürekden gutlaýaryn. Ýurdumyzyň nebitgaz senagatynyň gazananlaryny dünýä ýaýmak maksady bilen geçirilýän bu halkara maslahatyň işine uly üstünlikleri arzuw edýärin.
Nebitgaz toplumynda ýylyň dört aýynyň jemlerine garaldy
4-nji maýda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň dört aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 3-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.