Ýokary hil — zawodyň işiniň esasy görkezijisi
14:24 25.03.2022 5625
«Halkyň Arkadagly zamanasy» şygary astynda geçýän ýylda «Türkmennebit» DK-nyň abatlaýyş-mehaniki zawodynyň işine ussat hünärmenleri ýetilen sepgit bilen çäklenmeýärler. Zawod öndürilýän önümleriň möçberini artdyrýar, täze önümleriň nümçiligini özleşdirýär.
Ätiýaçlyk şaýlary taýýarlamak, abatlamak we enjamlary dikeltmek boýunça işleriň giň toplumyny ýerine ýetirmäge mümkinçilik berýän döwrebap enjamlar we desgalar bilen enjamlaşdyrylan tehniki kärhana gurnama, sazlama we işleriň beýleki görnüşlerini amala aşyrýar.
Kärhana giň önümçilik we işgärler mümkinçiligine eýedir. Bu ýerde ýerine ýetirilýän abatlaýyş-mehaniki işleriň jemi bahasy her aýda 735 müň manada barabar bolýar. Inžener-tehniki işgärler, şeýle hem ussat hünärmenler dürli kuwwatlykdaky sorujylary, gözleg-geologiýa işlerinde ulanylýan enjamlary we serişdeleri abatlaýarlar we olary «ikinji ömür» berýärler.
Kärhanada oturdylan enjamlaryň sany 100-den geçýär we olar yzygiderli kämilleşdirilýär: önümleriň täze görnüşleri özleşdirilýär, taýýarlanylýan ätiýaçlyk şaýlaryň durnuklylygy artdyrmaga ýardam edýän tehnologiýalar ornaşdyrylýar, önümçilik-tehnologiki binýat kämilleşdirilýär.
Belläp geçsek, kärhananyň işgärler düzüminiň ýarysyna golaýy ýaş hünärmenlerden ybaratdyr. Ussat halypalardan alnan baý tejribe işgärlere iri möçberli işleri ýerine ýetirmäge we çylşyrymly sargytlary öz wagtynda amala aşyrmaga mümkinçilik berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
Türkmenistanyň Prezidenti Eýranyň nebit ministri bilen nebitgaz ulgamynda hyzmatdaşlygy maslahatlaşdy
Türkmenistanyň Prezidenti Serdar Berdimuhamedow çarşenbe güni Eýran Yslam Respublikasynyň nebit ministri Jawad Owji bilen geçiren duşuşygynda nebitgaz ulgamynda döwletara hyzmatdaşlygynyň ileri tutulýan ugurlaryny maslahatlaşdy Bu barada TDH agentligi habar berýär.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Seýdiniň NGIZ ýylyň birinji ýarymynda nebitiň gaýtadan işlenilmegini 22% artdyrdy
Seýdiniň nebiti gaýtadan işleýän zawodynyň işgärleri 2025-nji ýylyň ilkinji alty aýynyň netijeleri boýunça geçen ýylyň degişli döwri bilen deňeşdirilende uly önümçilik üstünliklerine ýetdiler. Hususan-da, kärhanada 270 müň tonna nebit gaýtadan işlenip, bu görkeziji geçen ýylyň ýanwar-iýun aýlaryna garanyňda, 22% ýokary boldy diýip, ussatnews.com saýty habar berýär.