ÝHHG-niň Aşgabatdaky Merkezi wodorod energetikasynyň geljegini maslahatlaşmak boýunça çäre gurady
15:29 14.05.2022 5197
ÝHHG-niň Aşgabatdaky Merkezi Türkmenistanda «ýaşyl» wodorod energetikasyny ösdürmek boýunça Ýol kartasynyň synag taslamasyny maslahatlaşmak üçin tegelek stol görnüşinde onlaýn çäre gurady diýip, ORIENT agentligi habar berýär.
Duşuşyga Türkmenistanyň ministrlikleriniň we edaralarynyň wekilleri, ýurtda wodorod energetikasyny ösdürmek boýunça pudagara iş toparynyň agzalary, Türkmenistanyň Döwlet energetika institutynyň işgärleri, «Türkmengaz», «Türkmennebit» we «Türkmenhimiýa» döwlet konsernleriniň, şeýle hem ýokary okuw mekdepleriniň wekilleri gatnaşdy.
Iki sany belarusly halkara bilermenleri Ýol kartasyny işläp düzmegiň çäklerinde energiýanyň dikeldilýän çeşmelerini we tebigy gazy peýdalanmak arkaly wodorod önümçiligini maslahatlaşdylar. «Ýaşyl» wodorod giňişligini ösdürmegiň, ekologiýa energetikasyny ösdürmek ulgamynda halkara hyzmatdaşlygyny işjeňlşedirmegiň we ony daşarky bazarlara çykarmagyň kanunçylyk goldawynyň meseleleri çäräniň mowzugy boldy.
Tegelek stol geňeşmeleriniň jemleri boýunça Ýol kartasynyň ilkinji taslamasy işlenip düzüler, beýleki zerur bolan geňeşmelerden soň bolsa, onuň gutarnykly görnüşi taýýarlanylar.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Türkmenistan birinji ýarym ýyllykda Azerbaýjana benzin ibermekde ikinji orny eýeledi
Azerbaýjan 2022-nji ýylyň birinji ýarymynda Türkmenistandan 36 müň 571 tonna AI-92 belgili awtomobil benzinini import etdi diýip, angy.ru nebitgaz habarlar agentligi habar berýär.
«Lebapgazçykaryş» müdirliginiň gazçylary zähmet borçnamalaryny üstünlikli ýerine ýetirýärler
«Türkmengaz» döwlet konserniniň «Lebapgazçykaryş» müdirliginiň gazçylary şu ýylyň ýedi aýy boýunça ýokary zähmet üstünliklerini gazandylar. Hasabat döwründe müdirlik boýunça tebigy gazyň önümçiligi 7 mlrd 214,6 mln kub metre barabar boldy, meýilnama 127% ýerine ýetirildi.
Birža söwdalarynda Türkiýeden we Owganystandan gelen işewürler suwuklandyrylan gaz, awiakerosin satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.