OPEС+ boýunça oňaýly yşaratlara garaşmanyň netijesinde nebitiň bahalary ýokarlanýar
10:28 10.07.2020 7743
Nebiti öndüriji döwletleriň Russiýa we Saud Arabystany bilen bilelikde nebitiň çykarylyşyny çäklendirmekligiň häzirki derejesini 1-nji sentýabra çenli uzaldyp bilmek mümkinçiligi baradaky habarlaryň çäginde nebitiň bahalary ýokarlanýar, diýip Interfaks belleýär.OPEC+ ministrleriniň duşuşygy 4-nji iýundan 9-njy iýuna süýşürildi, diýip The Wall Street Journal neşiri çeşmelere salgylanyp habar berdi.«Brent» söwda belgili nebitiň awgust boýunça fýuçersleriniň bahasy sişenbe güni 38,64 dollara deň boldy. Bu görkeziji deslapky söwda sessiýasyndakydan 0,84 göterim ýokarydyr. Duşenbe güni şertnamanyň bahalary 1,3 göterim gymmatlap, 38,32 dollara deň boldy.«WTI» nebitiniň fýuçersleriniň bahalary 0,51 göterim ýokarlanyp, 35,62 dollara ýetdi. Duşenbe güni şertnamalaryň bahasy 0,1 göterim aşaklap, 35,44 dollara deň boldy.Aprel aýynda OPEC+ ýurtlary koronawirus pandemiýasy şertlerinde ählumumy islegiň düýpli pese düşmegi netijesinde iki ýyl möhlet bilen nebitiň çykarylyşyny nobatdaky gezek çäklendirmek hakynda ylalaşdylar.Ylalaşyga laýyklykda, 2018-nji ýylyň oktýabryndaky dereje bilen deňeşdirilende (Russiýa we Saud Arabystany üçin aýratyn hasap binýatlary bellenildi – 11 mln b/g) OPEC+ ýurtlary tarapyndan nebitiň çykarylyşy maý-iýun aýlarynda 9,7 mln b/g (23 göterim) çäklendiriler, ondan soň bolsa, çäklendirme depgini haýalladylar. Netijede, iýun aýyndan 2020-nji ýylyň ahyryna çenli çäklendirme 7,7 mln b/g (18 göterim), soňra 2022-nji ýylyň maýyna çenli – 5,7 mln b/g (14 göterim) bolar.WSJ-niň maglumatlaryna görä, Saud Arabystany nebitiň çykarylyşyny çäklendirmegiň häzirki depginini (9,7 mln b/g) şu ýylyň ahyryna çenli saklap galmak isleýär. Şol bir wagtda Russiýa çäklendirmäniň depginini 1-nji iýuldan gowşatmak isleýär.Taraplar nebit çykarylyşynyň çäklendirilmeginiň häzirki depginini 1-nji sentýabra çenli saklap galmak boýunça aralyk ylalaşyp boljak mümkinçiligi gözleýärler, diýip çeşme belleýär.«OPEC+ nebit çykarylyşynyň bilelikde çäklendirilmegine ymtylmasyny dowam edýän wagtyna çenli bahalar has ýokary diapazonlarda saklanar» - AxiCorp-yň bilermenleri belleýär.
Iş maslahaty geçirildi
«Türkmengaz» döwlet konserniniň merkezi edarasy tarapyndan garamagyndaky edara-kärhanalaryň işgärler bölümleriniň amala aşyrýan işleriniň hilini ýokarlandyrmak, olaryň iş tejribesini artdyrmak hem-de degişliligi boýunça wezipeleriniň talabalaýyk ýerine ýetirilmegini gazanmak maksady bilen, Ylmy-barlag tebigy gaz institutynyň binasynda «Halypaçylygyň ösüşine höwes döretmegiň usullary» atly iş maslahaty geçirildi.
Wodorody öndürmegiň usullary we ulanmagyň mümkinçilikleri
Häzirki döwürde dünýä möçberinde wodorody almagyň 85 göterim möçberi metanyň suw bugy bilen konwersiýa tehnologiýasy, 10 göterimi nebit, kömür we bary-ýogy 5 göterimi elektroliz usul bilen suwdan alynýar.
OPEC gaznasy Türkmenistana 45 million dollar karz bermekligi tassyklady
OPEC Halkara ösüş gaznasy (OPEC gaznasy) tutuş dünýä boýunça durnukly ösüş üçin 352 million dollar möçberinde serişde bölüp bermegi göz öňünde tutýar. Şolardan 45 million ABŞ dollary möçberinde karz serişdesi Türkmenistana bölünip berler. Bu barada degişli çözgüt gaznanyň dolandyryjylar geňeşiniň 178-nji mejlisinde kabul edildi.
Ýewropada gazyň bahasy 1 müň kub metri üçin 1550 dollara bardy
Energiýanyň dikeldilýän çeşmeleriniň gowşak goşandy, bäsdeşlik edýän bazarlarda bahalaryň ýokarlanmagy we sebitde öň çaklanylyşyndan has sowuk howa garaşylmagy netijesinde Ýewropada gazyň spotlaýyn bahasy çarşenbe güni, 15-nji dekabrda söwdalaryň açylmagy bilen ýokarlanmagyny dowam etdi diýip, Interfaks belleýär.
Türkmenistanda 2024-nji ýylyň başyndan bäri pudaklaryň işiniň netijeleri jemlenildi
12-nji iýulda Prezident Serdar Berdimuhamedow Ministrler Kabinetiniň giňişleýin mejlisini geçirdi. Onda ykdysadyýetiň pudaklarynda şu ýylyň geçen alty aýynda alnyp barlan işleriň jemleri jemlenildi, ýurdumyzy durmuş-ykdysady taýdan ösdürmek boýunça kabul edilen maksatnamalaryň ýerine ýetirilişi ara alnyp maslahatlaşyldy. Şeýle hem ýolbaşçylary wezipä bellemek we wezipeden boşatmak bilen bagly meselelere seredilip, şu ýylyň ikinji ýarymynda öňde duran wezipeler kesgitlenildi. Bu barada TDH habar berdi.