ÝTÖB 2023-2024-nji ýyllarda Türkmenistanda jemi içerki önümiň ýokary ösüş depginini çaklaýarlar
14:03 17.05.2023 11316
Ýewropanyň täzeleniş we ösüş banky (ÝTÖB) maý aýyndaky «Sebitleýin ykdysady mümkinçilikler» synynda 2023-2024-nji ýyllardan Türkmenistanda jemi içerki önümiň ösüşine çaklamasyny çap etdi.
Şeýlelikde, Türkmenistanda jemi içerki önümiň ösüşi 2023-nji ýylda hakyky aňlatmada 6,5%, 2024-nji ýylda 7% derejede çaklanylýar.
Şol bir wagtda bilermenler 2022-nji ýylda we şu ýylyň birinji çärýeginde 6,2% derejede jemi içerki önümiň ösüşiniň durnukly depgininde ýurduň nebitgaz pudagynyň mynasyp goşandyny belleýärler. Bilermenleriň pikirine görä, bu görkeziji tebigy gazyň meýilleşdirileninden has ýokary önümçiliginiň we eksportynyň hasabyna gazanyldy.
Maý aýyndaky hasabatda dünýäde iň iri gaz känleriň biri bolan «Galkynyş» käniniň möhüm orny bellenilýär. Bu kände täze guýular işe girizilýär, bu bolsa türkmen tebigy gazynyň mundan beýläkki çykarylyşyny we eksportyny giňeldýär.
ÝTÖB ulag ulgamynda Türkmenistanyň sebit hyzmatdaşlygynyň ösýän mümkinçiliklerini nygtaýar. Hususan-da, 2022-nji ýylda Türkmenbaşy halkara deňiz portundan üstaşyr geçirilen ýükleriň möçberi 2,5 esse artdy, bu esasan nebit önümleriniň, himiýa ýükleriniň, gurluşyk harytlarynyň üstaşyr geçirilmeginiň hasabyna gazanyldy.
Bankyň bilermenleriniň bellemegine görä, Hytaý, Eýran, Orta Aziýa, Türkiýe we Günorta Ýewropa bilen söwda-ykdysady hyzmatdaşlygynyň giňeldilmeginde Türkmenistan möhüm orun eýeleýär.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.
Türkmenistanyň Prezidenti «Gazpromyň» ýolbaşçysy bilen gaz ulgamynda hyzmatdaşlygy maslahatlaşdy
Duşenbe güni Prezident Serdar Berdimuhamedow bilen «Gazprom» açyk görnüşli paýdarlar jemgyýetiniň müdiriýetiniň başlygy Alekseý Milleriň arasynda geçirilen duşuşykda ýangyç-energetika toplumy ulgamynda mundan beýläkki hyzmatdaşlygyň geljegi ara alnyp maslahatlaşyldy.
Iki ýurduň DIM-niň ýolbaşçylary Türkmenistanyň Prezidentiniň Katara resmi saparynyň guramaçylygyny maslahatlaşdy
Türkmenistanyň Daşary işler ministri Raşid Meredow Katar Döwletiniň Daşary işler ministri Muhammed ben Abdel Rahman Al Tani bilen geçiren telefon arkaly söhbetdeşliginde Türkmenistanyň Prezidenti Serdar Berdimuhamedowyň Katar Döwletine resmi saparynyň gurnalmagynyň mümkinçiliklerini ara alyp maslahatlaşdy. Bu barada Türkmenistanyň daşary syýasat edarasynyň saýty habar berýär.
Türkmenistanyň Prezidenti watandaşlaryny Halkara Nowruz güni bilen gutlady
“Eziz watandaşlar! Sizi ýurdumyzda şatlyk-şowhun bilen bellenilýän Milli bahar baýramy — Halkara Nowruz güni mynasybetli tüýs ýürekden gutlaýaryn” diýip, Türkmenistanyň Prezidentiniň türkmen halkyna gutlagynda aýdylýar.