OPEK-iň baş sekretary nebit çykarylyşyny azaltmak boýunça ýakynda kabul edilen kararyň dogrulygyna ynanýar
12:34 07.07.2023 7203
OPEK+ ýakynda nebit çykarylyşyny azaltmak hakynda kabul edilen karara bazaryň ýeterlik derejede üns bermändigine alada galmaýar diýip, OPEK-iň baş sekretary Haýsam al-Gaýs Wenada Guramanyň 8-nji Halkara seminarynda belledi diýip, Interfaks habar berýär.
Al-Gaýs 2022-nji ýyldaka garanyňda 2023-nji ýylda günde 2,3 mln barrel möçberde nebite bolan islegiň artmagyna garaşylýandygyny, şeýe hem OPEK-e girmeýän döwletler tarapyndan ibermeleriň artjakdygyny ýatlatdy.
«Bazarda häzir deňagramlylygyň bardygy ýa-da ýokdugy barada aýtmak kyn. Biz Ykdysady hyzmatdaşlyk we ösüş guramasynyň döwletlerinde harytlyk ätiýaçlyklaryň derejesine seredýäris, ortaça bäş ýyllyk dereje bilen (2015-2019) deňeşdirýäris» diýip, ol belledi.
Al-Gaýs nebit çykarylyşyny çäklendirmek hakynda karary «geň» hasaplamaýar.
«Hemmeler birinji ýarym ýylda bazarda köp sanly sebäplere görä — dünýä ykdysadyýetiniň ösüşiniň haýallamagy, pandemiýadan soň Hytaýyň ykdysadyýetiniň dikelmegine umytlaryň uly peýdanyň bolandygyny bilýär» - diýip Al-Gaýs belledi.
Ol erkin önümçilik kuwwatlyklarynyň çäklidigini belledi. Şol bir wagtda önümçiligi çäklendirmek hakynda karar has köp sanly önümçilik kuuwatlyklaryna eýe bolmaga we teklibiň aşa artmagynyň öňüni almaga ýardam eder.
Iýun aýynyň başynda OPEK+ ylalaşygyna gatnaşyjylar 2024-nji ýyl üçin nebit çykarmak möçberlerini azaltmak kararyna geldiler — ýene 1,4 mln b/g azaldyp, 40,46 mln barrele çenli. Maý aýyndan başlap önümçiligini meýletin günde 1,66 mln barrele çenli azaldan döwletler çäklendirmesini tutuş 2024-nji ýyla çenli uzaldarlar. Saud Arabystany eýýäm 2023-nji ýylda önümçiligini goşmaça 1 mln b/g çenli azaldar.
Türkmenistanyň we Gazagystanyň Prezidentleriniň gepleşikleri resminamalaryň toplumyna gol çekmek bilen tamamlandy
Türkmenistanyň Prezidenti Serdar Berdimuhamedowyň 15-nji oktýabrda Gazagystan Respublikasyna amala aşyran döwlet saparynyň barşynda Astanada iki ýurduň resmi wekiliýetleriniň gatnaşmagynda ýokary derejede gepleşikler geçirildi. Taraplar ikitaraplaýyn gün tertibiniň ileri tutulýan meselelerini maslahatlaşdylar we mundan beýläkki hyzmatdaşlygyň ugurlaryny kesgitlediler.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Serdar Berdimuhamedow GDA ýurtlaryna Türkmenistanyň taslamalaryna goşulmagy teklip etdi
GDA döwletleri Türkmenistanyň başyny başlan günorta ugurdaky energetika, ulag, kommunikasiýa taslamalaryna işjeň gatnaşyp bilerdi. Bu barada Prezident Serdar Berdimuhamedow GDA-nyň Baştutanlarynyň Geňeşiniň 14-nji oktýabrda Astanada geçirilen duşuşygynda eden çykyşynda belledi.
Türkmenistanyň Prezidenti: «Merkezi Aziýa + Russiýa» hyzmatdaşlyk formatynda ykdysadyýet ileri tutulýan ugur bolup durýar
«Merkezi Aziýa + Russiýa» altytaraplaýyn hyzmatdaşlygyň çäklerinde ykdysadyýet ileri tutulýan möhüm ugur bolup durýar. Bu pikiri Prezident Serdar Berdimuhamedow geçen anna güni Astanada geçirilen “Merkezi Aziýa — Russiýa” sammitiniň barşynda belledi.
Türkmenistanyň DIM-niň ýolbaşçysy Pakistanyň Senatynyň Başlygy bilen TOPH gaz geçirijisiniň gurluşygyny we beýleki meseleleri maslahatlaşdy
Türkmenistanyň DIM-nde daşary işler ministri Raşid Meredow bilen Aşgabada sapar bilen gelen Pakistanyň Senatynyň Başlygy Saýed Ýusuf Raza Gilaniniň arasynda geçirilen duşuşykda taraplar syýasy-diplomatik, söwda-ykdysady, medeni-ynsanperwer, energetika we ulag-aragatnaşyk pudaklaryndaky hyzmatdaşlygyň meseleleriniň giň toplumyny ara alyp maslahatlaşdylar. Bu barada türkmen daşary syýasat edarasynyň saýtynda habar berilýär.