Häzirki döwürde dünýäde energiýa durnuklylygynyň üpjün edilmegi gaýtadan dikeldilýän energiýa serişdeleriniň ösdürilmegi bilen berk baglanyşykly bolup durýar. Hut şonuň üçin-de hormatly Prezidentimiz Gurbanguly Berdimuhamedowyň baştutanlygynda ýurdumyzda bu babatda halkara hyzmatdaşlygyny pugtalandyrmak boýunça amala aşyrylýan işlere uly üns berilýär.

Çeleken ýarymadasynyň geljegi uly ýerleri hünärmenleriň çaklamalaryna görä, özünde uglewodorod serişdeleriniň baý gorlaryny saklaýar. Bu ýerde uglewodorodlary çykarmak işini «Türkmennebit» DK-nyň «Galkynyşnebit» nebit we gaz çykarmak boýunça müdirliginiň hünärmenleri amala aşyrýarlar.

Geçen hepdede hormatly Prezidentimiz Gurbanguly Berdimuhamedow Türkmenistanyň Mejlisiniň Başlygynyň, Ministrler Kabinetiniň Başlygynyň käbir orunbasarlarynyň we ýurdumyzyň jemgyýetçilik-syýasy guramalarynyň ýolbaşçylarynyň gatnaşmagynda sanly wideoaragatnaşyk arkaly iş maslahatyny geçirdi. Maslahatda jemgyýetçilik-syýasy guramalarynyň işi bilen baglanyşykly meseleler ara alnyp maslahatlaşyldy hem-de öňde durýan möhüm wezipeler kesgitlenildi.

Ýaponiýanyň maliýa düzümleri Türkmenistanda maýa goýum işjeňligini dowam etmäge gyzyklanma bildirýärler. Bu barada Türkmenistanyň Daşary işler ministri Raşid Meredowyň Halkara hyzmatdaşlyk boýunça ýapon bankynyň baştutany Tadaşi Maeda bilen göni wideoaragatnaşyk ulgamy arkaly geçirilen duşuşygynda bellenildi, diýip ýurdumyzyň daşary syýasat edarasynyň saýty habar berýär.

Wideoaragatnaşyk boýunça geçiren iş maslahatynda hormatly Prezidentimiz Gurbanguly Berdimuhamedow nebitgaz toplumyny ösdürmegiň döwlet maksatnamalaryny ýerine ýetirmek boýunça möhüm wezipeleriň birnäçesini kesgitledi. Milli Liderimiziň belleýşi ýaly, Türkmenistanyň energetika syýasatynyň baş maksady baý tebigy serişdelerimizi has netijeli peýdalanmak bilen nebitgaz toplumynyň durnukly ösüşini üpjün etmekde, milli ykdysadyýetimiziň eksport kuwwatyny artdyrmak üçin önümçilik we ylmy-tehniki mümkinçilikleri giňeltmekde jemlenýär.

Owgan tarapynyň başlangyjy esasynda Türkmenistanyň Daşary işler ministriniň orunbasary W.Hajiýew bilen Owganystanyň Milli Yslam Hereketi partiýasynyň ýolbaşçysy Marşal Abdul Raşid Dostumyň arasynda geçirilen telefon arkaly söhbetdeşlikde türkmen-owgan ykdysady gatnaşyklarynyň meseleleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.

«Türkmenistan — Bitaraplygyň mekany» ýylynyň 18-nji dekabrynda bolan Garaşsyz Döwletleriň Arkalaşygynyň döwlet Baştutanlarynyň wideomaslahat görnüşinde geçirilen mejlisini ýylyň möhüm wakalarynyň hatarynda görkezmek bolar.

Türkmenistanda «Türkmennebit» döwlet konserni bilen bilelikde durmuşa geçirilýän «Tatneft» APJ taslamasynyň giňeldilmegi goşmaça 770 müň tonna nebiti çykarmaga mümkinçilik berer. Bu barada Tatarystanyň Prezidenti Rustam Minnihanow TASS agentligine interwýusynda habar berdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 119-sy hasaba alyndy.

Prezident Gurbanguly Berdimuhamedow 18-nji dekabrda Garaşsyz Döwletleriň Arkalaşygynyň döwlet Baştutanlarynyň wideomaslahat görnüşinde geçirilen mejlisine gatnaşdy.

OMK Çelýabinsk zawody (Russiýa) Türkmenistan – Owganystan – Pakistan – Hindistan halkara gaz geçirijisiniň gurluşygy üçin «Türkmengaz» döwlet konsernine önümleri bellenilen möhletinden bir aý öň tabşyrmagy başardylar. Bu barada rus habar beriş serişdeleri habar berýärler.

Türkmenistan bilen ABŞ-nyň arasyndaky syýasy geňeşmeleriň jemleýji bölüminde sebit we halkara derejeli infrastruktura taslamalaryny durmuşa geçirmekde türkmen-amerikan hyzmatdaşlygyny ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.

Türkmenistanyň Daşary işler ministrliginiň hem-de Aziýanyň ösüş bankynyň wekilleriniň arasynda wideomaslahat görnüşinde geçirilen duşuşykda Türkmenistan–Owganystan–Pakistan–Hindistan (TOPH) gaz geçirijisiniň taslamasyny amala aşyrmak bilen bagly meseleler ara alnyp maslahatlaşyldy, diýip ýurdumyzyň daşary syýasat edarasynyň saýty habar berýär.

2020-nji ýylyň başyndan bäri, Seýdiniň nebiti gaýtadan işleýän zawody (SNGIZ) 441,2 müň tonnadan gowrak çig maly gaýtadan işledi, şol bir wagtda önümçiligiň ösüş depgini geçen ýylyň degişli döwri bilen deňeşdirilende 114,8%-e deň boldy.

Çarşenbe güni onlaýn görnüşinde geçirilen «Türkmenistan – ABŞ» işewürlik geňeşiniň nobatdaky mejlisiniň barşynda daşary işler ministri R.Meredow Türkmenistanyň Hökümetiniň ABŞ bilen söwda-ykdysady gatnaşyklaryny giňeltmäge ygrarlylygyny beýan etdi. Bu barada Türkmenistanyň daşary syýasat edarasynyň saýty habar berýär.