Petronas Hazaryň türkmen böleginde ýene-de bir nebit çykaryjy platformany işe girizdi
06:58 13.04.2021 11642
Geçen şenbe güni PETRONAS Carigali (Turkmenistan) Sdn Bhd kompaniýasy Hazar deňziniň türkmen böleginde GDDP-A («Garagol Deniz Drilling Platform» – «Garagol Deňiz buraw platformasy») nebit buraw platformasyny işe girizdi. Dabara Hazar deňziniň türkmen kenaryndaky Gyýanly şäherçesindäki Deňiz metal gurluşlary gurnama sehiniň çäginde geçirildi.
PETRONAS Carigali (Turkmenistan) Sdn Bhd-niň baş ýerine ýetiriji direktory Ruslan bin Abdul Gani Malaýziýanyň paýtagty Kuala-Lumpurdan wideoaragatnaşyk arkaly «Türkmengaz» döwlet konsernine, potratçy hökmünde taslamanyň tehniki taýdan ýerine ýetirilmegi bilen meşgullanan ILK Insaat Taahut San. Ve Tic. A.S. kompaniýasyna, şeýle hem buraw platformasynyň gurluşygy boýunça giň gerimli işe gatnaşanlaryň hemmesine minnetdarlyk bildirdi.
Şeýle hem, ol täze platformanyň işe girizilmeginiň Türkmenistanyň nebitgaz pudagynyň mundan beýläk-de üstünlikli ösmegine ýardam etjekdigine ynam bildirdi.
— Biz Günbatar Garagol-Deniz ýatagyndan ilkinji nebitiň günde 6700 barrele barabar bolmagyna garaşýarys. Ol gazy taýýarlamak boýunça zawodda we ýerüsti gaz terminalynda gaýtadan işleniler we soňra eksport ediler. – diýip Gani aýtdy.
Suwa girizilenden soň, agramy 3919 tonna bolan bu desga kenardan 75 km uzaklykda ýerleşýän Günbatar Garagol-Deniz nebit ýatagyna ugrady. GDDP-A platformasy deňizde nebit guýusynyň üstünde eýýäm gurlan aşaky binýat bilen berkidiler. Şondan soň ähli gurluş nebit öndürmek üçin doly derejeli buraw platformasyna öwrüler.
GDDP-A, PETRONAS tarapyndan Türkmenbaşy şäheriniň demirgazygyndaky Hazar kenaryndaky Gyýanly şäherçesinde gurlan deňiz metal sehinde ýygnandy. Ol bu ýerde öndürilen dördünji buraw platformasydyr. GDDP-A boýunça iş 2013-nji ýylda başlandy we platformanyň dizaýny hem-de gurluşygy 8 ýyla golaý wagt aldy.
Buraw platformasy kenara 14 dýuým turbageçiriji bilen birikdirildi. Öndürilen çig nebiti sorup, soňra Gaz arassalaýyş zawodyna we deňizdäki gaz terminalyna gider. Ugurdaş gaz, elektrik öndürmek üçin bölekleýin ulanyljak ýörite gaz geçirijisine iberiler.
Kenardan platforma monoetilen glikol iberiler, bu çig nebit bilen garylyp, ol guýudan Gaz arassalaýyş zawodyna we deňizdäki gaz terminalyna barýan nebite ýolda goýulaşmaga ýol bermez.
GDDP-A iň häzirki zaman tehnologiýasy bilen enjamlaşdyrylan we doly özbaşdak işlemek üçin niýetlenendir. Beýleki şuňa meňzeş nebit öndürýän gurluşlardan tapawutlylykda platformada hemişelik işleýän işgärlere mätäçlik ýok.
GDDP-A buraw platformasyndan ilkinji nebiti 2021-nji ýylyň awgust aýynda alynmagy meýilleşdirilýär. Platformanyň meýilleşdirilen önümçilik kuwwaty günde 10 müň barrel.
Türkmenistanda PETRONAS Carigali (Türkmenistan) Sdn Bhd (Malaýziýanyň PETRONAS kompaniýasynyň golçur kompaniýasy) «Blok 1» şertnamalaýyn deňiz çäginde taýýar önümi paýlaşmak hakynda şertnamanyň esasynda hereket edýär. Bu şertnama Türkmenistanyň hökümeti bilen 1996-njy ýylyň iýul aýynda gol çekildi. Bu ýyl kompaniýa Türkmenistan bilen ikitaraplaýyn hyzmatdaşlygyň 25 ýyllygyny bellemegi meýilleşdirýär.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.