Aşgabatda türkmen gazyny Gazagystanyň içerki bazarlaryna ibermegiň mümkinçiliklerine garaldy — Premýer-ministr
03:21 19.09.2020 5267
Türkmenistan we Gazagystan türkmen gazyny Gazagystanyň içerki bazarlaryna ibermek mümkinçiliklerini maslahatlaşdy. Bu barada Türkmenistana iş sapary bilen gelen Gazagystan Respublikasynyň Premýer-ministri Askar Mamin aýtdy.
Saparyň çäklerinde Askar Mamin Türkmenistanyň Prezidenti Gurbanguly Berdimuhamedow bilen duşuşdy hem-de Ykdysady, ylmy-tehniki we medeni hyzmatdaşlyk boýunça hökümetara türkmen-gazak toparynyň mejlisine gatnaşdy.
— Energetika ulgamynda biz türkmen gazyny Gazagystanyň içerki bazarlaryna ibermek mümkinçiliklerine garadyk — diýip Askar Mamin hökümetara türkmen-gazak toparynyň mejlisinden soň, ORIENT agentligine beren interwýusynda gürrüň berdi.
— Bu ugurda iş alyp bararys. Bu täze taslamalar, täze göwrümler. BU Türkmenistanyň eksport mümkinçilikleri hem-de olaryň ösüşi bilen bagly, şeýle hem Gazagystanda gazyň içerki bazarlarda sarp edilişi bilen bagly, diýip Mamin aýtdy.
Gurbanguly Berdimuhamedow bilen maslahatlaşylan beýleki temalar barada durup geçip, Askar Mamin şeýle diýdi, «oba hojalyk, energetika, ulag-üstaşyr mümkinçilikleri ýaly ulgamlarda hyzmatdaşlyk meseleleri maslahatlaşyldy».
— Biz ösüş üçin uly mümkinçilikleri görýäris. Şu ýyl bolup geçýän ählumumy pandemiýa bilen bagly hadysalara garamazdan, ýurtlarymyzyň arasyndaky özara haryt dolanyşygy artýar. Ýedi aýyň netijeleri boýunça ösüş 30 %-den gowrak boldy. Biz sebitde üstaşyr geçirimleriň göwrüminiň artýandygyny görýäris. Iň esasy hem, Gazagystanyň we Türkmenistanyň üstaşyr düzümi işjeň hereket edýär – diýip Premýer-ministr belledi.
Şunuň bilen baglylykda, Mamin Gazagystany we Türkmenistany Eýran bilen baglanyşdyrýan «Demirgazyk – Günorta» demir ýol magistraly boýunça üstaşyr daşamalaryň artmagyna garaşylýandygyny belledi.
Serdar Berdimuhamedow «Merkezi Aziýa – Russiýa» Sammitine we GDA-nyň Döwlet Baştutanlarynyň Geňeşine gatnaşmak üçin Gazagystana bardy
Türkmenistanyň Prezidenti Serdar Berdimuhamedow GDA döwlet Baştutanlarynyň geňeşiniň nobatdaky mejlisine hem-de «Merkezi Aziýa – Russiýa» Sammitine gatnaşmak üçin we döwlet sapary bilen Gazagystan Respublikasyna bardy. Şenbe güni Türkmenistanyň Baştutanynyň Gazagystan Respublikasyna döwlet saparynyň maksatnamasy başlanar diýip, Türkmenistanyň Döwlet habarlar agentligi habar berýär.
15-nji «Merkezi Aziýa – Koreýa Respublikasy» hyzmatdaşlyk Forumyna taýýarlyk maslahatlaşyldy
Çarşenbe güni Merkezi Aziýanyň we Koreýa Respublikasynyň daşary syýasat edaralarynyň ýolbaşçylarynyň orunbasarlarynyň derejesinde geçirilen wideoaragatnaşyk görnüşindäki duşuşykda 15-nji «Merkezi Aziýa–Koreýa Respublikasy» hyzmatdaşlyk Forumyna (MA-KR) taýýarlyk görmek meseleleri maslahatlaşyldy. Bu barada Türkmenistanyň DIM-niň saýty habar berýär.
Türkiýe Türkmenistanyň tebigy gazynyň Ýewropa üstaşyr geçirilmegini üpjün etmäge taýýar
Berlinde geçirilýän IV Türk-german energetika forumynyň dowamynda Türkiýäniň energetika we tebigy serişdeler ministri Fatih Dönmez Türkiýäniň türkmen tebigy gazyny ýewropa bazarlaryna üstaşyr geçirmäge taýýardygyny we munuň üçin mümkin bolan ähli zatlary etjekdigini beýan etdi. Bu barada Anadolu agentligi habar berýär.
TNGIZT-niň nebit önümlerini eksport we marketing müdirligi işini bes etdi
«Türkmennebit» döwlet konserniniň Türkmenbaşynyň nebiti gaýtadan işleýän zawodlar toplumynyň nebit önümlerini eksport we marketing müdirligi işini bes etdi. Bu barada «Нейтральный Туркменистан» gazetiniň sahypalarynda habar berildi.
Türkmenistanyň DIM-niň ýolbaşçysy we Singapuryň premýer-ministriniň kanselýariýasynyň ministri özara gatnaşyk meselelerini maslahatlaşdylar
Türkmenistanyň Daşary işler Ministri Raşid Meredowyň Singapuryň Premýer-ministriniň edarasynyň Ministri Mohamad Maliki bin Osmanyň ýolbaşçylygyndaky wekiliýet bilen duşuşygynyň barşynda halkara we ikitaraplaýyn hyzmatdaşlygyň ileri tutulýan meseleleri maslahatlaşyldy diýip, türkmen DIM-niň saýty habar berýär.