HEA nebite bolan islegiň çökgünlikden öňki derejesine dolanyp geljek möhletlerini aýtdy
10:41 14.10.2020 6857
Dünýä boýunça nebite bolan isleg 2021-nji ýylda 5 mln b/g ýokarlanar we çökgünlikden öňki derejesine 2023-nji ýylda dolanyp geler, diýlip Halkara energetika agentliginiň (HEA) World Energy Outlook 2020 her ýylky çaklamasynda aýdylýar, diýip Interfaks habar berýär.
HEA-nyň binýatlyk ssenariýesine görä, COVID-19 pandemiýasynyň ykdysadyýet we söwda üçin täsirleriniň islegiň 2030-njy ýylda bir ýyl öňki çaklamadan 2 mln b/g-dan aşak boljakdygyna garamazdan, 2023-nji ýyldan soň isleg 2030-njy ýyla çenli ortaça 0,7 mln b/g derejesinde artar.
«2030-njy ýylda soň, nebite bolan isleg ygtybarly derejesine çykar, şol bir wagtda her ýylky ösüş 0,1 mln b/g çenli peseler. Ykdysadyýetiň dikeldilmegi babatda nätakyklygyň ýokary derejesi saklanyp galýar, ol binýatlyk ssenariýede göz öňünde tutulýan depginden has haýal bolup biler» diýip HEA belleýär.
HEA-nyň nygtamagyna görä, ösen ykdysadyýetli döwletlerde nebite bolan isleg ýakynda geljekde dikeldiler, emma 2030-njy ýyla çenli çökgünlikden öňki derejesine dolanyp bilmez.
Şeýlelikde, çaklanylyşyna görä, 2025-nji ýyla çenli nebite bolan isleg 2019-njy ýyldaky 97,9 mln b/g ýagdaýyndan, 99,9 mln b/g çenli, 2030-njy ýylda – 103,2 mln b/g, 2040-njy ýylda bolsa – 104,1 mln b/g ýokarlanar.
Şol bir wagtda ABŞ-da nebite bolan isleg peselip başlar: 2019-njy ýyldaky 18,5 mln b/g-den 2025-nji ýyla çenli 17,9 mln b/g, 2030-njy ýylda – 17,5 mln b/g, 2040-njy ýylda – 15,2 mln b/g çenli peseler.
Ýewropada nebite bolan isleg 2019-2040-njy ýyllar aralygynda 4,7 mln b/g aşaklap – 8,6 mln b/g düşer.
Şol bir wagtda Ýakyn Gündogarda isleg 2019-njy ýyldaky 7,5 mln b/g-den 2040-njy ýylda 10 mln b/g-e çenli ýokarlanar, Aziýa – Ýuwaş ummany sebitinde bolsa, 32,5 mln b/g-den 37,9 mln b/g çenli artar.
Hindistanda nebite bolan isleg geçen ýylky çaklama bilen deňeşdireniňde, 2030-njy ýylda 0,4 mln b/g peseler, emma muňa garamazdan, Hindistan geljek on ýyllyklarda nebitiň çykarylmagynyň iň iri çeşmsi bolmagynda galar. Bu esasan awtomobil ýangyjynyň ulanylmagy netijesinde şeýledir.
Hytaý üçin çaklama hem aşaklama nukdaýnazaryndan seredildi. Ol awtomobilleriň satuwynyň peselmegini we 2025-nji ýylda täze energetiki ulaglaryň satuwy bilen şertlenendir. Hytaýda nebite bolan isleg 2030-njy ýylda iň ýokary derejesine çykar we 15 mln b/g-den çala geçer, emma muňa garamazdan, Hytaý aralyk döwürde dünýäde nebite bolan islegiň ýokarlanmagynyň möhüm şerti bolmagynda galýar, diýip HEA belleýär. Afrika we Günorta-Gündogar Aziýa hem nebite bolan islegiň ýokarlanmagyna ýardam eder.
«On ýyllyklaryň dowamynda nebite bolan isleg elmydama ösüş depginini görkezýärdi. Bu depgin seýrek ýagdaýda ykdysady aşaklamalar zerarly saklanýardy. Muňa garamazdan, COVID-19 pandemiýasy nebit bazaryna görlüp-eşidilmedik möçberde täsir edip, on ýyllyk ösüşi bir ýylda ýok etdi. Ykdysadyýetleriň giň möçberlerde böwetlenmegi 2020-nji ýylyň aprel aýynda nebite bolan islegiň 20 mln b/g peselmegine getirdi, aýratyn hem ol motor ýangyjynda bildirdi. Käbir dikelme alamatlary boldy, emma awiagatnawlaryň çäklendirilmegi, uzak aralykdan işlemek düzgünine geçilmegi we elektromobilleriň durnukly satuwy nebite bolan islege güýçli täsir edýär. 2020-nji ýylda nebite ýolan islegiň 2019-njy ýyldakydan takmynan 8 mln b/g aşak bolmagyna garaşylýar» - diýip agentlik hasabatynda belleýär.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.