Belent maksatlar halkyň abadançylygyna gönükdirilýär
09:21 17.03.2021 4263
«Türkmengaz» DK-nyň «Türkmengazaragatnaşyk» müdirliginde «Zähmet kanunçylygynyň esaslary» atly maslahat geçirildi.
Türkmenistanyň Nebitgaz senagaty toplumynyň işgärleriniň kärdeşler arkalaşygynyň geňeşi tarapyndan mukaddes Garaşsyzlygymyzyň 30 ýyllygy, Aşgabat şäheriniň 140 ýyllygy we Milli bahar baýramy mynasybetli geçirilen maslahatda mazmunly çykyşlar edildi.
Çykyş edenler Garaşsyzlyk ýyllarynda ýetilen sepgitler, ýurdumyzyň ähli künjekleriniň sazlaşykly ösüşi, Aşgabat şäherini ösdürmegiň strategiýasynyň üstünlikli amala aşyrylyşy barada durup geçdiler
Döwlet Baştutanynyň tagallasy netijesinde edaralarda, önümçilik düzümlerinde zähmet köpçüligi üçin döredilýän amatlyklar, ilatyň iş bilen üpjünçiligini gowulandyrmak, ýurdumyzy ösdürmek, milli ykdysadyýetimizi pugtalandyrmak maksadynda täze kärhanalaryň gurulýandygy, raýatlaryň zähmete bolan hukuklary, iş orunlarynda howpsuzlygyň üpjün edilişi, işgärleriň we hünärmenleriň ýaşaýyş-durmuş şertleriniň, saglygyny berkitmegiň, talabalaýyk dynç almagynyň ýokarlandyrylyşy hakynda hem nutuklar diňlenilip, özara pikir we sorag-jogap alşyldy.
Guramaçylar tarapyndan şeýle maslahatlar «Türkmengaz» DK-nyň Harbylaşdyrylan «Nebitgazhowpsuzlyk» müdirliginiň Gaz-tehniki gözegçilik gullugynda, «Türkmengazawtomatika» müdirliginde, Geologiki maglumatlar merkezinde, «Türkmengazüpjünçilik» birleşiginde, «Türkmengazgeofizika» müdirliginde hem geçirildi.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
TDHÇMB-niň söwdalarynda awiakerosin we karbamid eksport edildi
Duşenbe güni, 29-njy awgustda Türkmenistanyň Döwlet haryt-çig mal biržasynyň söwdalarynda umumy bahasy 18,1 mln amerikan dollaryna we 416,4 müň türkmen manadyna barabar bolan 7 sany geleşik baglaşyldy diýip, ORIENT habarlar agentligi habar berýär.
Iki ýurduň DIM-niň ýolbaşçylary Türkmenistanyň Prezidentiniň Katara resmi saparynyň guramaçylygyny maslahatlaşdy
Türkmenistanyň Daşary işler ministri Raşid Meredow Katar Döwletiniň Daşary işler ministri Muhammed ben Abdel Rahman Al Tani bilen geçiren telefon arkaly söhbetdeşliginde Türkmenistanyň Prezidenti Serdar Berdimuhamedowyň Katar Döwletine resmi saparynyň gurnalmagynyň mümkinçiliklerini ara alyp maslahatlaşdy. Bu barada Türkmenistanyň daşary syýasat edarasynyň saýty habar berýär.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.
Türkmenistanyň Prezidenti watandaşlaryny Halkara Nowruz güni bilen gutlady
“Eziz watandaşlar! Sizi ýurdumyzda şatlyk-şowhun bilen bellenilýän Milli bahar baýramy — Halkara Nowruz güni mynasybetli tüýs ýürekden gutlaýaryn” diýip, Türkmenistanyň Prezidentiniň türkmen halkyna gutlagynda aýdylýar.