6-njy awgustda «Awazada» Merkezi Aziýa döwletleriniň Baştutanlarynyň konsultatiw duşuşygy geçiriler
23:23 20.07.2021 18952
Merkezi Aziýa döwletleriniň Baştutanlarynyň konsultatiw duşuşygy 6-njy awgustda «Awaza» milli syýahatçylyk zolagynda geçiriler. Ýokary derejedäki sammitiň dowamynda sebit möçberli birnäçe iri çäreler geçiriler.
Şolaryň hatarynda Ykdysady forum, sebitiň döwletleriň zenanlarynyň dialogy, Merkezi Aziýa ýurtlarynyň milli önümleriniň hem-de milli tagamlarynyň sergisi, şeýle hem Merkezi Aziýa ýurtlarynyň medeniýet we sungat ussatlarynyň konserti geçiriler.
Çärelere görülýän taýýarlyk işleri Prezident Gurbanguly Berdimuhamedowyň 17-nji iýulda geçiren Hökümet mejlisinde maslahatlaşyldy.
Ministrler Kabinetiniň Başlygynyň orunbasary, daşary işler ministri R.Meredow halkara forumlaryň çäklerinde guraljak ikitaraplaýyn duşuşyklara, sergilere, maslahatlara görülýän taýýarlyk işleri barada giňişleýin maglumatlary berdi. Şol bir wagtda ikitaraplaýyn duşuşyklaryň jemleri boýunça degişli resminamalara gol çekmek meýilleşdirilýär.
Wise-premýer S.Berdimuhamedow Hazaryň kenarynda geçirilmegi meýilleşdirilen ykdysady forumyň ýokary guramaçylyk derejesini üpjün etmek maksady bilen, degişli edaralar bilen bilelikde zerur bolan taýýarlyk işleriniň alnyp barylýandygyny, bu ugurda ähli tagallalaryň edilýändigini belledi.
Milli Geňeşiň Mejlisiniň Başlygy G.Mämmedowa 6-njy awgustda Türkmenistanyň Prezidentiniň başlangyjy bilen «Awaza» milli syýahatçylyk zolagynda Merkezi Aziýa döwletleriniň zenanlarynyň dialogyny ýokary derejede geçirmek boýunça degişli işleriň alnyp barylýandygyny habar berdi. Bu çäräniň esasy maksady gender deňligini üpjün etmek boýunça Merkezi Aziýa ýurtlary tarapyndan durmuşa geçirilýän syýasata syn bermek hem-de sebitiň döwletleriniň zenanlarynyň arasynda durmuş-ykdysady, saglygy goraýyş, medeni we ylmy ugurlar boýunça köpugurly hyzmatdaşlygy ösdürmäge gönükdirilen gepleşikleri ilerletmek bilen bagly meselelere garamakdan ybaratdyr.
Halkara çäreleri ýokary derejede guramak maksady bilen Guramaçylyk toparyny döredildi. Topara wise-premýer, daşary işler ministri R.Meredow ýolbaşçy bellenildi.
Türkmenistanyň ýaşululary Gurbanguly Berdimuhamedowyň Prezident wezipesini ýaş ýolbaşça bermek kararyny goldadylar
Anna güni geçirilen Halk Maslahatynyň mejlisinde Türkmenistanyň Prezidenti Gurbanguly Berdimuhamedow Prezidentlik wezipesini ýaşlara berip, Türkmenistanyň Halk Maslahatynyň Başlygy wezipesinde galmak kararyna gelendigini habar berdi.
TNGIZT-niň täze önümi ýurduň ekologiýa abadançylygyna düýpli goşant bolar
Türkmenbaşynyň nebiti gaýtadan işleýän zawodlar toplumy А-98 kysymly täze awtobenziniň senagat önümçiligini taýýarlamak boýunça toplumlaýyn işleri geçirýär.
Türkmenistan we BMG-niň ÝYK energiýanyň gaýtadan dikeldilýän çeşmeleri ulgamynda hyzmatdaşlygy maslahatlaşdylar
Sişenbe güni Türkmenistanyň nebitgaz toplumynyň Merkezi binasynda ugurdaş ministrlikleriň we edaralaryň, “Türkmengaz” we “Türkmennebit” döwlet konsernleriniň wekilleriniň Aşgabatda iş sapary bilen gelen BMG-niň Ýewropa ykdysady komissiýasynyň durnukly energetika bölüminiň direktory Dario Liguti bilen duşuşygy geçirildi.
Türkmenistanyň Prezidenti «Leonardo S.p.A.» italýan holdinginiň ýolbaşçysyny kabul etdi
Prezident Serdar Berdimuhamedow “Leonardo S.p.A.” italýan kompaniýasynyň ýolbaşçysy Stefano Pontekorwony kabul etdi diýip, TDH habar berýär.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.