Soňky ýyllarda Türkmenistan 15 mlrd dollardan gowrak daşary ýurt maýasyny çekdi
09:03 10.09.2021 16408
Soňky ýyllarda daşary ýurtly guramalar bilen hyzmatdaşlykda Türkmenistanyň ykdysadyýetine 15 mlrd amerikan dollary möçberinde daşary ýurt maýalary çekildi. Bu barada Döwlet daşary ykdysady iş bankynyň başlygy Rahymberdi Jepbarow türkmen metbugatyna beren interwýusynda belledi.
Onuň bellemegine görä, maýalaryň 52%-i Türkmenistanyň nebitgaz toplumyny ösdürmäge, 18%-i – himiýa senagatyna, 10%-i – ulag-kommunikasiýa infrastrukturasyna, 11%-i – oba hojalygyna, 9%-i – energetika ugrukdyryldy.
Daşary ýurt maýalarynyň esasy bölegi — 47,4%-i Ýaponiýa, 19%-i – Koreýa Respublikasyna, 11%-i – Saud Arabystanyna, 6,3%-i – Germaniýa, 5%-i – ABŞ, we galan 11,3%-i – beýleki döwletlere degişlidir.
Şeýlelikde daşary ýurt serişdeleriniň 80%-i ýurtda senagaty ösdürmäge gönükdirildi, bu bolsa milli ykdysadyýeti diwersifikasiýalaşdyrmaklygy tizleşdirmäge, ýurduň ägirt uly çig maýl binýadyny durmuşa geçirmäge we müňlerçe täze iş orunlaryny döretmäge mümkinçilik berdi.
R.Jepbarowyň bellemegine görä, bu günki gün Türkmenistanyň daşary maliýe borçnamalarynyň möçberi JIÖ-niň 11%-ine deň, bu bolsa dünýä tejribesinde kadaly gatnaşyga barabardyr.
Mejlisde Ýewroparlamentiň wekilleri bilen duşuşykda hyzmatdaşlygyň ileri tutulýan ugurlary maslahatlaşyldy
Mejlisiň Başlygy D.Gulmanowanyň ýurdumyzda iş sapary bilen bolýan Ýewropa parlamentiniň Merkezi Aziýa ýurtlary we Mongoliýa boýunça wekiliýetiniň ýolbaşçysy Tomaş Zdehowskiý bilen duşuşygynda söwda-ykdysady, ulag-kommunikasiýa, energetika we ynsanperwer-medeni ugurlarda özara gatnaşyklaryň ileri tutulýan ugurlary maslahatlaşyldy. Bu barada Türkmenistanyň DIM-niň saýty habar berýär.
Täze kitabyň tanyşdyrylyş dabarasy geçirildi
Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynda çap edilen we giň okyjylar köpçüligine hödürlenen «Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy» atly kitabyň tanyşdyrylyş dabarasy geçirildi.
«Türkmengaz» DK-nyň yglan eden bäsleşigi «Gündogar-Günbatar» gaz geçirijisi üçin kompressor stansiýasyny gurjak potratçyny kesgitlär
«Türkmengaz» döwlet konserni halkara bäsleşigiň netijeleri boýunça «Gündogar-Günbatar» gaz geçirijisiniň "KS-1 Şatlyk" kompressor stansiýasyny gurjak, enjamlar bilen üpjün etjek we ony işe girjek kompaniýany kesgitlär. Degişli bäsleşik 20-nji iýunda «Neýtralnyý Türkmenistan» gazetinde çap edildi.
Wekilbazar nebit önümleri kärhanasynda metal çelekleriň üçüsi ulanylmaga berildi
«Türkmennebitönümleri» baş müdirliginiň Hojalyk hasaplaşygyndaky abatlaýyş-gurluşyk müdirliginiň Mary welaýat şahamçasynyň gurluşykçylary üç müň kub metrden köpräk nebit önümlerini saklamaklyga niýetlenilen uly göwrümli täze metal çelekleriniň üçüsini Wekilbazar nebit önümleri kärhanasynda ýokary hilli gurup, ulanmaga berdiler. Munuň özi kärhana gelip gowuşýan nebit önümlerini ygtybarly saklamaklyga hem-de goýbermeklige mümkinçilik berer. Bu bolsa kärhana gelip gowuşýan ýangyç hem çalgy ýaglaryny bökdençsiz kabul etmek ugrunda edilýän aladanyň bir mysalydyr.
TDHÇMB-niň söwdalarynda daşarky we içerki bazarlara nebitgaz toplumynyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 45-si hasaba alyndy.