Talyplaryň önümçilik tejribelikleri ýangyç-energetika toplumynyň kärhanalarynda geçýär
14:54 26.08.2020 7892
«Türkmengaz» DK-nyň Mary nebitgaz orta hünär okuw mekdebi ýurdumyzyň ýangyç-energetika toplumy we halk hojalygynyň beýleki pudaklary üçin hünärmenleri taýýarlamak boýunça wezipesiniň gerimini barha giňeldýär. Hereket edip gelýän döwründen bäri, bu edara dürli hünär ugurly hünärmenleriň köpsanlysyny taýýarlady we häzirki wagtda hünärmenleri taýýarlamakda hil taýdan täze derejä çykýar.
2019-2020-nji okuw ýylynda mekdebiň täze binasy ulanyşa girizildi. Bu ýerde amaly okuwlar üçin 16 sany okuw otagy bolup, olar ýokary hünär taýýarlykly hünärmenleri taýýarlamak üçin zerur bolan enjamlar bilen enjamlaşdyrylandyr.
Bu ýerde netijeli sapak geçmek we talyplaryň özbaşdak işlemekleri üçin ähli şertler döredilendir. Multimediýa okuw otaglary okuw işinde kompýuter tehnologiýalaryna geçmekligi has hem işjeňleşdirmäge ýardam edýär. Okuw dersleriniň ählisinde hem amaly taraplar göz öňünde tutulandyr.
Nebit we gaz promysellerine tehniki hyzmat we enjamlary abatlamak, nebit we gaz guýularyny ulanmak, gaz we nebit känlerini işläp taýýarlamak, himiýa, nebiti we gazy gaýtadan işleýän senagatyň kärhanalarynyň enjamlaryna tehniki hyzmat we abatlamak we ş.m. ugurlar has uly islegden peýdalanýar. amaly sapaklar ýörite enjamlaşdyrylan okuw otaglarynda geçirilýär. Bu bolsa okuwy has hem gyzykly geçirmäge mümkinçilik berýär.
Okuw ýyly tamamlanandan soň, talyplar «Türkmengaz» DK-nyň edara-kärhanalarynda önümçilik tejribeliklerini geçýärler. Önümçilik tejribeliklerine tejribeli mugallymlar ýolbaşçylyk edýär.
Häzirki wagtda gaznebit geçirijileriniň we gaznebit ammarlarynyň ulanylyşy fakultetiniň birinji ýyl talyplary Serwis hyzmatyň merkezi müdirliginde amaly sapaklary geçýärler. Tejribeligiň dowamynda geljekki hünärmenler tokar enjamlarynyň işi, turbalar üçin dürli detallaryň taýýarlanylyşy, gaz guýulary üçin turbalaryň taýýarlanylyşy we beýleki işler bilen tanyşýarlar. Amaly sapaklaryň çäginde talyplar şeýle hem tehniki howpsuzlyk düzgünlerini hem öwrenýärler.
Nebit we gaz promyselleriniň enjamlarynyň tehniki idegi we abatlanylyşy fakultetiniň ikinji ýyl talyplary «Marygazçykaryş» müdirliginiň kärhanalarynda önümçilik tejribeliklerini geçýärler. Ýakynda olar «Galkynyş» gaz käninde bolup gördüler. Bu ýerde geljekki hünärmenler iň täze tehnologiýalar we desgalar, şeýle hem gaz arassalaýjy desgalaryň işiniň ýörelgeleri bilen tanyş bolýarlar.
Häzirki wagtda talyplaryň okuw tejribeligi üstünlikli dowam edýär.
Ýurdumyzyň ýangyç-energetika toplumynyň innowasion maksatnamalaryny ösdürmegiň çäklerinde tehniki taýdan sowatly hünärmenlere zerurlyk artýar. Netijeli amaly sapaklar türkmen hünärmenleriniň hünär taýýarlygynyň artmagyna ýardam eder.
Daşoguz welaýatynda gaz bilen üpjünçiligiň gerimi artýar
«Daşoguzgazüpjünçilik» müdirliginiň gaz hojalyk kärhanasynyň gazçylary «Halkyň Arkadagly zamanasy» şygary astynda geçýän ýyl üçin goýlan meýilnamalary üstünlikli ýerine ýetirýärler. Ýanwar-fewral aýlarynda kärhananyň işçileri uzynlygy 550 km töweregi bolan dürli basyşly bitewi gaz ulgamynyň, şeýle hem 444 sany gaz paýlaýjy we gaz sazlaýjy desgalaryň durnukly işini ýola goýdular. Netijede döwür üçin bellenilen meýilnama üstünlikli ýerine ýetirildi.
Türkmenistanyň Halk Maslahatynyň Başlygy Eýranyň Aşgabatdaky ilçihanasyna bardy
21-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasynyň Aşgabatdaky ilçihanasyna bardy hem-de goňşy ýurduň wekillerine duýgudaşlyk bildirdi. Gurbanguly Berdimuhamedow şu agyr pursatda gurban bolanlaryň dogan-garyndaşlaryna we ýakynlaryna ýürekden gynanjyny, medet beriji sözlerini beýan etdi diýip, TDH habar berýär.
Serdar Berdimuhamedow: Türkmenistan ulag we energetikany Hindistan bilen hyzmatdaşlygynyň strategiki ugurlary hökmünde görýär
Türkmenistan ulag we energetika ulgamlaryna türkmen-hindi ykdysady hyzmatdaşlygynyň strategik ugurlary hökmünde garaýar. Bu barada Türkmenistanyň Prezidenti Serdar Berdimuhamedow geçen şenbe güni Hindistan Respublikasynyň Prezidenti Ram Nath Kowind bilen geçiren gepleşiklerinde belledi.
Türkmenistanyň we Hindistanyň Prezidentleriniň duşuşygy özara bähbitli hyzmatdaşlygy mundan beýläk hem ösdürmäge itergi berer
1-nji aprelden Türkmenistana döwlet sapary bilen Hindistan Respublikasynyň Prezidenti Ram Nath Kowind geldi. 2-nji aprelde “Oguz han” köşkler toplumynda ýokary derejedäki türkmen-hindi gepleşikleri geçirildi. Soňra gepleşikler giňişleýin düzümde — iki döwletiň resmi wekiliýetleriniň agzalarynyň gatnaşmagynda dowam etdi.
Türkmenistanyň Prezidenti ýurduň nebitgaz toplumyna ýolbaşçylary belledi
Türkmenistanyň Prezidenti Serdar Berdimuhamedow sişenbe güni geçirilen Hökümet mejlisiniň barşynda ýurduň ministrlikleriniň we pudaklaýyn dolandyryş edaralarynyň ýolbaşçylaryny wezipä bellemek hakynda karara gol çekdi. Şol sanda Türkmenistanyň ýangyç-energetika toplumynyň ýolbaşçylary bellenildi.