Glazgodaky sammitde dünýä Liderleri 2030-njy ýyla çenli metan zyňyndylaryny 30% azaltmagy ylalaşdylar
14:22 05.11.2021 2971
Sişenbe güni COP26 ekologiýa sammitinde Ýewrokomissiýanyň başlygy Ursula fon der Lýaýen we ABŞ-nyň Prezidenti Jo Baýden metan zyňyndylaryny azaltmak boýunça bilelikdäki başlangyjyny öňe sürdüler. Bu barada Interfaks habar berýär.
Ählumumy borç 2030-njy ýyla çenli metan zyňyndylaryny 30% çäklendirmäge gönükdirilendir. 100-den gowrak döwlet bu başlangyja goşuldylar diýip, BBC News habar berýär.
Ýewrokomissiýanyň ýaşlygy metany bug gazlarynyň bir görnüşi diýip atlandyrdy, onuň zyňyndylaryny ählumumy maýlama hadysasynyň öňüni almak üçin çäklendirip bolar. Ursula fon der Lýaýen metany «agaçyjyň aşaky şahasynda sallanyp duran miwe» diýip atlandyrmak bilen, ony ýetip boljak maksat hökmünde belledi.
Ählumumy maýlama hadysasynyň öňüni almak boýunça esasy ugur adam işjeňligi netijesinde bölünip çykýan kömürturşy gazynyň (CO2) zyňyndylaryny çäklendirmek bolup durýar, emma metanyň aýry alnan malekulalary CO2 bilen deňeşdireniňde atmosfera has güýçli zyýanly täsir edýär.
Öň dünýä liderleriniň 100-den gowragy 2030-njy ýyla çenli agaçlaryň çapylmagynyň öňüni almagy wada etdiler. Bu ylalaşyk Howa boýunça Glazgoda geçirilýän sammitiň çäklerinde gazanylan ilkinji iri ylalaşyk boldy. Bu karary goldap çykyş eden döwletleriň hatarynda — Braziliýa, Russiýa, Kanada, Kolumbiýa, ABŞ, Beýik Britaniýa we Indoneziýa bar. Bellenilişi ýaly, bu döwletleriň paýyna dünýäniň tokaýlarynyň 85%-i düşýär.
Howanyň üýtgemegi boýunça BMG-niň Çarçuwalaýyn konwensiýasynyň tarapdarlarynyň 26-njy maslahaty Glazgoda 31-nji oktýabrda başlady we 12-nji noýabra çenli dowam eder. Çärä 200-den gowrak döwletiň wekilleri gatnaşýar.
COP26 maslahaty planetanyň geljegi, ählumumy maýlama hadysasynyň depginlerini peseltmekde bilelikdäki we milli hereketler dogrusyndaky geňeşmeler boýunça dünýä liderlerini we görnükli döwlet işgärlerini jemledi.
Sammitde türkmen wekiliýetine Türkmenistanyň Ministrler Kabinetiniň Başlygynyň orunbasary Serdar Berdimuhamedow wekilçilik edýär.
Türkmenistan daşky gurşawy goramak üçin anyk çäreleri durmuşa geçirip hem-de bu adamzat ähmiýetli ugurda halkara hyzmatdaşlygyny ösdürmekde öz goşandyny goşmaga ymtylyp, ekologiýa meselelerini çözmäge netijeli çemeleşmäniň tarapdary bolup çykyş edýär.
Türkmenistan daşary ýurt raýatlarynyň Owganystandan äkidilmegi üçin daşary ýurt uçarlaryna howa giňişligini üpjün edýär
Türkmenistan daşary ýurtlaryň raýatlarynyň daşary ýurt döwletleriniň howa gämileri bilen äkidilmegi üçin özüniň howa giňişligini üpjün edýändir diýip, Türkmenistanyň DIM-niň Metbugat gullugy penşenbe güni habar berdi.
Türkmenistanyň we Eýranyň Prezidentleri telefon arkaly hyzmatdaşlygyň ileri tutulýan ugurlaryny maslahatlaşdylar
Prezident Serdar Berdimuhamedow sişenbe güni Eýran Yslam Respublikasynyň Prezidenti Seýed Ebrahim Raisi bilen geçiren telefon arkaly söhbetdeşliginde döwletara gatnaşyklarynyň ileri tutulýan meselelerini maslahatlaşdylar diýip, TDH habar berýär.
«Taliban» hereketi TOPH we Owganystandaky beýleki infrastruktura taslamalaryny durmuşa geçirmäge gyzyklanma bildirýär - wekil
«Taliban» hereketi Türkmenistan – Owganystan – Pakistan – Hindistan (TOPH) transmilli gaz geçirijisiniň gurluşygyna we ýurtdaky beýleki iri infrastruktura taslamalaryny durmuşa geçirmeklige gyzyklanma bildirýär. Bu barada hereketiň Katardaky syýasy edarasynyň resmi wekili Mohammed Suheýl Şahin sişenbe güni Sky News teleýaýlymyna beren interwýusynda belledi.
Türkmenistan we ABŞ hyzmatdaşlygyň «Ýol kartasyny» we dürli derejedäki özara saparlary guramak boýunça teklipleri işläp taýýarlar
Prezident Serdar Berdimuhamedow Türkmenistan bilen Amerikanyň Birleşen Ştatlarynyň arasyndaky gatnaşyklary işjeňleşdirmek maksady bilen, 2023-2024-nji ýyllar üçin hyzmatdaşlygyň “Ýol kartasyny”, gatnaşyklaryň şertnama-hukuk binýadyny berkitmek üçin teklipleri, Türkmenistan bilen ABŞ-nyň arasynda guraljak dürli derejedäki saparlaryň Çarçuwaly meýilnamasyny taýýarlamak baradaky teklipleri makullady.
Türkmenistanyň döwlet düzümleri Owganystan bilen döwlet serhetleriniň goragy boýunça «Таliban» hereketiniň wekilleri bilen gatnaşyklary saklaýarlar
Türkmenistanyň Daşary işler ministrliginiň Metbugat gullugynyň habar bermegine görä, ýurduň diplomatik gullugynyň we beýleki döwlet edaralarynyň işgärleri döwlet serhediniň goraglylygy, gümrük, sanitar, fitosanitar we ýükleriň serhet üstünden geçirilmeginde amal edilýän barlagyň hem-de gözegçiligiň gaýry görnüşleriniň meseleleri babatynda «Таliban» hereketiniň wekilleri bilen yzygiderli gatnaşyklary saklaýarlar.