Geologlar Lebap welaýatynda geljegi uly meýdançalarda gözlegleri alyp barýarlar
11:00 26.08.2020 5832
«Türkmengeologiýa» DK-nyň Lebap ekspedisiýasynyň hünärmenleri welaýatyň geljegi uly meýdançalarynda geologiýa gözleg işleriniň ugruny ynamly kesgitleýärler. Şu ýylyň geçen alty aýynda geofiziki gözlegleriň we guýulardaky işleriň möçberi düýpli artdy.
Häzirki wagtda iri möçberli gözleg işleri nebitgaz serişdeleriniň çaklanylýan meýdanlarynda alnyp barylýar. Işiň esasy maksady — plastlaryň geologiki gurluşyny öwrenmek, uglewodorod serişdelerini ýüze çykarmak we alnan maglumatlaryň esasynda çuňlaşdyrylan buraw işlerine taýýarlamak bolup durýar.
Ekspedisiýanyň düzüminde iki sany partiýa hereket edýär. «Altyn asyr türkmen 3D» seýsmiki partiýasynyň işi Malaý gaz käniniň çäginde alnyp barylýar, 2D 61-nji geofiziki partiýa bolsa gözleg işlerini Topazguýy meýdançasynda alyp barýar. Seýsimiki enjamlaryň netijeli ulanylmagy, şeýle hem ýokary hünär taýýarlykly hünärmenler tarapyndan Topazguýy meýdançasyndaky plastlaryň gurluşy we aýratynlyklary barada anyk hem doly maglumat almak üçin geçirilýän barlag işleri 2020-nji ýylyň noýabr aýyna çenli gözleg işleriniň birinji tapgyryny tamamlamaga we indikisine geçmäge mümkinçilik berýär.
Bu ugurda ýüzden gowrak tejribeli hünärmen zähmet çekýär. Täze geljegi uly meýdançalary ýüze çykarmak işlerinde göçme seýsmiki enjamlar we beýleki desgalar hereket edýär. Topazguýy meýdançasynda geçirilen barlag işlerinden alnan maglumatlar, şeýle hem onuň töwereginde ýerleşen Naýyp, Demirgazyk Gazojak gaz känlerinden alnan maglumatlar onuň geljeginiň uludygyna güwä geçýär.
Türkmen tebigy gazyny swap usuly arkaly Türkiýä eksport etmegiň meseleleri maslahatlaşyldy
Türkmen halkynyň Milli Lideri Gurbanguly Berdimuhamedowyň Prezident Rejep Taýyp Ärdogan bilen geçiren duşuşygynyň barşynda Türkiýä türkmen elektrik energiýasyny eksport etmek, dostlukly ýurda türkmen tebigy gazyny “swap” usuly arkaly ibermek bilen baglanyşykly meselelere seredildi.
Serdar Berdimuhamedow we ŞHG-niň Baş sekretary energetika, ulag ulgamlarynda Türkmenistanyň täze başlangyçlaryny maslahatlaşdy
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda gelen hormatly Prezidentimiz Serdar Berdimuhamedow bu halkara düzümiň Baş sekretary Çžan Min bilen duşuşykda energetika we ulag ulgamlarynda anyk başlangyçlaryny öňe sürdi diýip, Türkmenistanyň Döwlet habarlar agentligi habar berýär.
Si Szinpin we Serdar Berdimuhamedow ýangyç-energetika toplumynda giň gerimli hyzmatdaşlygy ösdürmegi ylalaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda baran Türkmenistanyň Prezidenti Serdar Berdimuhamedow bilen Hytaý Halk Respublikasynyň Başlygy Si Szinpiniň arasynda geçirilen duşuşykda gaz ulgamynda, ulag we beýleki ugurlarda türkmen-hytaý gatnaşyklarynyň ösüşiniň geljegi ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň we Russiýanyň Prezidentleri ŞHG sammitiniň çäklerinde döwletara hyzmatdaşlygy giňeltmegiň meselelerini maslahatlaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkant şäherine gelen Serdar Berdimuhamedow Russiýa Federasiýasynyň Prezidenti Wladimir Putin bilen duşuşdy. Bu barada Türkmenistanyň Döwlet habarlar agentligi habar berýär.
Türkmenistan we Türkiýe gaz ulgamynda hyzmatdaşlyk etmek hakynda resminamalara gol çekdiler
Türkmenistan we Türkiýe gaz ulgamynda hyzmatdaşlyk etmek hakynda resminamalara gol çekdiler diýip, ýurdumyzyň DIM-niň resmi saýtynda habar berilýär.