Gaz OPEC-i döredilmez — gazyň ählumumy bazary heniz ýeterlik derejede ösmedi — Russiýanyň wise-premýeri
11:20 30.12.2021 6455
Ählumumy gaz bazaryna gatnaşyjylar OPEC mysalynda ählumumy bazar kadalaşdyryjysyny döretmekden heniz uzakda. RF-niň wise-premýeri Aleksandr Nowagyň bellemegine görä, gaz bazary munuň üçin heniz ösüp ýetişmedi diýip Interfaks habar berýär.
RBK beren interwýusynda ol «bu babatda hiç hili gepleşikleriň geçirilmeýänligini» belledi.
«Eýýäm birnäçe ýyldan bäri üstünlikli işläp gelýän Gazy eksport ediji ýurtlaryň forumy gazy öndüriji we eksport ediji 15-den gowrak döwleti birleşdirýär. Emma bu halkara guramasynda bazary kadalaşdyrmak wezipesi ýok. Pikir we tehnologiýa alyşmak, bilelikdäki barlaglary, maslahatlaşmalary geçirmek, gaz bazary barada çaklamalary etmek meseleleri bar» - diýip, Nowak düşündirdi.
«Dünýäniň nebit bazary önümçili, ibermek we birža söwdalary babatda ýeterlik ösendir. Gaza bazary bolsa, heniz ýeterlik ösmedik. Suwuklandyrylan tebigy gazyň paýynyň artýandygyna garamazdan, turba geçiriji gaz ibermeleri aglaba bölegi eýeleýär. Garaşylyşy ýaly, ýakyn ýyllarda gatnaşyk 50-ä 50 görnüşde bolar. Emma bu gazyň nebit ýaly birža harydy bolup biljek derejesi däl. Mümkin şonda kadalaşdyrmak üçin sebäpler ýüze çykyp biler. Häzir bu mümkin däl» - diýip, Nowak hasaplaýar.
Nowagyň pikiriçe, Ýewropada gözegçilik edilýän energetika çökgünlikleriniň biri hem — meýilleşdirmegiň ýoklugydyr.
«Ýewrokomissiýa binýatlaýyn ýörelgelerden — pudaga uzakmöhletleýin maýa goýumlardan we spot şertnamalarynyň bähbidine uzakmöhletleýin şertnamalardan maksatlaýyn ýüz öwürýär. Ýewropa gaz iberilmegini kepilledirjek uzakmöhletleýin şertnamalar hem baglaşylmaly» - diýip Nowak belledi.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti Ýewropa Geňeşiniň Başlygy bilen duşuşygynda sebit hyzmatdaşlygynyň geljegini maslahatlaşdy
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan Prezident Serdar Berdimuhamedow Ýewropa Geňeşiniň Başlygy Antonio Koşta bilen duşuşdy diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň we Özbegistanyň Prezidentleri ikitaraplaýyn gatnaşyklaryň okgunly ösdürilýändigini nygtadylar
3-nji aprelde “Merkezi Aziýa — Ýewropa Bileleşigi» görnüşindäki birinji sammite gatnaşmak maksady bilen Özbegistan Respublikasynda iş saparynda bolýan hormatly Prezidentimiz Serdar Berdimuhamedow Özbegistanyň Prezidenti Şawkat Mirziýoýew bilen duşuşdy. Bu barada TDH habar berýär.
Türkmenistanyň Prezidenti we Ýewropa Komissiýasynyň Başlygy “Merkezi Aziýa-ÝB” sammitiniň üstünlikli geçiriljekdigine ynam bildirdiler
3-nji aprelde «Merkezi Aziýa — Ýewropa Bileleşigi» görnüşindäki birinji sammite gatnaşmak üçin Özbegistan Respublikasynda iş saparynda bolýan Prezident Serdar Berdimuhamedow Ýewropa Komissiýasynyň Başlygy hanym Ursula fon der Lýaýen bilen duşuşdy diýip, TDH habar berýär.