Nebitiň bahalary ibermeler bilen bagly howatyrlanmalaryň çäginde ýedi ýyllyk rekordlaryny täzeleýär
09:19 22.01.2022 12262
Ýakyn Gündogardan nebit ibermeleriniň bökdençlik howpy zerarly çarşenbe güni nebitiň bahalary 2014-nji ýyldan bäri maksimum rekordlaryny täzeläp, ýokarlanmagyny dowam edýär diýip, Interfaks habar berýär.
Brent nebitiniň martdaky fýuçersleriniň bahasy ICE Futures biržasynda barreli üçin 88,36 dollara deň boldy, bu deslapky söwdalardakydan 0,97 göterim ýokarydyr. Sişenbe güni söwdalaryň netijeleri boýunça bu şertnamalar 1,2 göterim ýokarlanyp, 87,51 dollara ýetipdi.
WTI nebitiniň fýuçersleriniň bahasy Nýu-Ýorkuň elektron söwdalar biržasynda barreli üçin 86,41 dollara barabar bolup, öňküsi gündäkiden 1,15 göterim ýokarlandy.
Öňküsi gün nebitiň söwda belgileriniň ikisi hem 2014-nji ýylyň 13-nji oktýabyndaky maksimal görkezijilerde saklanypdy. Muňa FactSet-iň maglumatlary şaýatlyk edýär.
Bahalar ibermeleriň çäklendirilmegi we käbir OPEC ýurtlarynyň önümçiligini ylalaşylan görkezijilere ýetirmäge ukypsyzlygy zerarly dünýä bazarynda ýangyç ýetmezçiliginden howatyrlanmalar sebäpli ýokarlanýar diýip, Trading Economics ýazýar.
Şol bir wagtda sişenbeden çarşenbä geçilýän gijede Yragy we Türkiýäni birleşdirýän Kirkuk-Jeýhan iri nebit geçirijisinde partlama bolup geçdi, netijede turbageçirijiniň işi togtadyldy diýip, habar beriş serişdeleri belleýär. Partlamanyň sebäbi heniz anyklanylmady. Her günde nebit geçiriji boýunça 450 müň barrelden gowrak nebit daşalýardy.
«Ählumumy nebit bençmarklary ibermeleriň pes möçberleri baradaky çaklamalar we Ýakyn Gündogardaky dartgynlylyk bilen bagly kynçylyklar zerarly sekiz ýyl töweregi gözegçilik edilmedik derejelere göterilýär» diýip, Rystad Energy-niň nebit bazarynyň uly analitigi Luiza Dikson ýazýar.
Hytaý maý aýynda tebigy gazyň rekord derejesini import etdi
2023-nji ýylyň maý aýynda Hytaý suwuklandyrylan tebigy gazy we turba geçiriji ibermelerini hasaba alanyňda 13,51 mlrd kub metr tebigy gaz import etdi. Bu görkeziji maý aýy üçin taryhy rekord bolup durýar.
Nebitgaz toplumynda alty aýyň jemlerine garaldy
15-nji iýulda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen alty aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 14-nji iýulda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap geçiren Türkmenistanyň Ministrler Kabinetiniň giňişleýin mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
HEA 2023-nji ýylda ilkinji gezek dünýäde nebite bolan islegiň çaklamasyny peseltdi
Halkara energetika agentligi (HEA) 2023-nji ýylda ilkinji gezek dünýäde şu ýylda nebite bolan islegiň çaklamasyny günde 170 müň barrele çenli aşaklatdy. Bu agentligiň hasabatyndan görünýär.
Ýarym ýylyň jemleri boýunça Türkmenistanda jemi içerki önümiň ösüşi 6,2% boldy
Durmuşa geçirilen çäreleriň netijesinde 2023-nji ýylyň alty aýynda Türkmenistanda jemi içerki önümiň ösüş depgini 6,2 göterim derejesinde artdy. Bu barada wise-premýer Hojamyrat Geldimyradow şu ýylyň ýanwar-iýun aýlarynda ýurdumyzyň makroykdysady görkezijilerine bagyşlanyp geçirilen giňişleýin Hökümet mejlisinde aýtdy.
Ilkinji hyzmatdaşlar we çykyş etjekler «OGT Türkmenistan -2023» XXVIII Halkara maslahatyna we sergisine gatnaşjakdygyny tassykladylar
Yug-Neftegaz kompaniýasy 2023-nji ýylyň 25-27-nji oktýabrynda geçiriljek OGT-2023 Halkara sergisinde we maslahatynda kümüş hyzmatdaşlygyny tassyklady. Bu barada çäräniň Guramaçylyk komiteti mälim edýär.