TOPH gaz geçirijisiniň taslamasy Hindistanda ŞHG duşuşyklarynyň gün tertibine girip biler — Financial Express
20:02 25.01.2023 10278
2023-nji ýylda Şanhaý Hyzmatdaşlyk Guramasynda başlyklyk edýän Hindistan gurama agza döwletleriň daşary işler ministrlerini 4-5-nji maýda Goa geçirilmegi meýilleşdirilýän duşuşyga çagyrdy.
Geçen ýylyň sentýabrynda toparda öz üstüne başlyklygy kabul edip, Hindistan 2023-nji ýylda ŞHG-niň sammitini we ministrleriniň derejesinde birnäçe iri duşuşyklary geçirmegi meýilleşdirýär.
Sammitiň öňüsyrasynda Hindistanda dokuz agza döwletiň goranmak ministrleri, şeýle hem milli howpsuzlyk, içeri işler we daşky gurşaw ministrleri duşuşarlar. Ministrleriň ýygnaklarynyň mart aýynda başlanmagyna garaşylýar. 27-31-nji ýanwar aralygynda bolsa Mumbayda ŞHG-nyň film festiwaly geçiriler.
Financial Express neşiriniň çeşmelerine görä, ýakyn wagtda geçiriljek ýygnaklaryň gün tertibi entek ylalaşyk tapgyrynda. Şeýle-de bolsa, daşary işler, goranmak we içeri işler ministrleri ýygnananlarynda olar hökman terrorçylyga, radikalizme, neşe serişdelerine, energiýa we azyk howpsuzlygyna garşy göreş, Owganystandaky ynsanperwer çökgünlik barada pikir alyşýarlar.
Halkara Demirgazyk-Günorta Üstaşyr Geçelgesiniň (INSTC) we TOPH gaz geçirijisiniň (Türkmenistan-Owganystan-Pakistan-Hindistan) taslamalary ŞHG-nyň ýakyn wagtda geçiriljek mejlisleriniň gün tertibine girer diýip, neşir çaklaýar.
ŞHG toparlary Ýewraziýa yklymynyň 60% -den gowragyny, dünýä ilatynyň 40% -ini we dünýäniň içerki önüm dolanyşygynyň 30% -ini öz içine alýar. Esasanam, arap dünýäsiniň dialog boýunça hyzmatdaş derejesini alan ýurtlarynyň köpüsi guramanyň düzümine girmäge gyzyklanma bildirýärler.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.