Türkmen telekeçileriniň önümi bolan «GM OIL» motor ýaglary bazara çykýar
17:55 10.03.2023 10435
Ahal welaýatynyň Ak bugdaý etrabynyň çäginde ýerleşýän «Geljege Miras» hususy kärhanasy ýeňil we ýük awtoulaglary üçin motor ýaglarynyň önümçiligini özleşdirdi we eýýäm bu önümiň ilkinji tapgyrlaryny daşary ýurtlara iberdi.
— Motor ýaglarynyň önümçiligine başlamak pikiri duýdansyz gelen zat däl. Türkmenistanyň Prezidenti Serdar Berdimuhamedowyň döwlet syýasatynyň baş maksady ykdysadyýeti diwersifikasiýalaşdyrmaga, innowasion önümçilikleri döretmäge, importyň ornuny tutýan hem-de eksporta niýetlenen önümleri öndürmäge gönükdirilendir. Öňde goýlan maksatlary durmuşa geçirmekde döwlet Baştutany telekeçilere uly orun berýär. Bu bolsa bize täze kärhanalary döretmäge ruhlandyrýar — diýip, kärhananyň direktory Kuwwat Baýlyýew aýtdy.
Motor ýaglarynyň önümçiligi we islegi boýunça bazar öwrenilenden soň, şeýle hem zerur hasaplamalardan soň, kärhana bu işiň orta işewürlik üçin elýeterliligini hem-de uly geljeginiň bardygyny anyklady. Desgany gurup, zerur enjamlar satyn alnandan soň, 2022-nji ýylyň sentýabrynda kompaniýa «GM OIL» haryt nyşanly önümleriniň önümçiligini işe girizdi we häzirki wagta çenli onuň ilkinji tapgyrlary daşary ýurtlara eksporta iberildi.
Mälim bolşy ýaly, häzirki zaman motor ýaglary binýatlyk ýaglary (çig mal) dürli funksional maksatly prisadkalar bilen garyşdyrmak arkaly alynýar. «Geljege Miras» kärhanasy mineral ýaglary öndürmek üçin binýatlyk ýaglary Türkmenbaşydaky nebiti gaýtadan işleýän zawodlar toplumyndan alýar. Ýarym sintetik we doly sintetik ýaglary öndürmek üçin binýatlyk ýaglary, şeýle hem ähli prisadkalary daşary ýurtdan alýar.
Ýurduň içinde bolşy ýaly, daşary ýurtlardan satyn alynýan binýatlyk ýaglary hem-de prisadkalar diň ýokary hilli bolýar, çünki öndüriljek ýagyň hili şu göökezijilere baglydyr. Motor ýagynyň öz işini uzak hem ygtybarly ýerine ýetirmekligi üçin tehnologik zynjyry berk berjaý etmek möhümdir. Ýörite desgada binýatlyk ýaglar we prisadkalar kesgitli barabarlykda we şertlerde garylýar. Netijede berlen aýratynlykly we häsiýetnamaly ýag alynýar. Zerur bolan goşundylaryň anyk möçberini awtomatika üpjün edýär.
Kärhanada tehnologik işiň ählisi dolulygyna awtomatlaşdyryldy, alynýan önüm SGS halkara ulgamy boýunça şahadatnamalaşdyryldy.
Kärhananyň kuwwaty sagatda 5 tonna barabardyr. Gyşky, tomusky we uniwersal ýarym sintetik we doly sintetik motor ýaglary öndürilýär. Jemi 10-dan gowrak önüm ady bar. Geljekde has ýokary häsiýetnamasy bolan motor ýaglarynyň önümçiligini ýola goýmak meýilleşdirilýär.
Tehnologik zynjyryň gidişine gözegçilik etmek we ýerli işgärlerden hünär derejeli hünärmenleri taýýarlamak üçin kärhanada şeýle hem Türkiýeden gelen hünärmenler hem zähmet çekýär.
«GM OIL» haryt nyşanly ýaglar sarp edijileriň giň köpçüligine heniz mälim däl. Şol bir wagtda hem «Geljege Miras» kärhanasynyň hünärmenleri «GM OIL» haryt nyşanly ýaglarynyň tehniki görkezijileri we häsiýetnamalary babatda dünýä belli brendlerden pesde däldigine ynanýarlar.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar — DIM-niň ýolbaşçysy
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar. Bu barada Türkmenistanyň daşary işler ministri Raşid Meredow 12-nji awgustda «Awaza» milli syýahatçylyk zolagynda geçirilen «Hazar deňzi – parahatçylyk we dostluk deňzi» atly maslahatda eden çykyşynda belledi.
«Awazada» geçirilen maslahatda Hazar sebitiniň döwletleriniň dürli ugurlarda özara gatnaşyklary ara alnyp maslahatlaşyldy
12-nji awgustda «Awaza» milli syýahatçylyk zolagynda geçirilen «Hazar deňzi — parahatçylyk we dostluk deňzi” atly ylmy-amaly maslahatda Hazar sebitiniň döwletleriniň mundan beýläkki özara gatnaşyklary bilen bagly meseleler ara alnyp maslahatlaşyldy.
Kalplara ornan gözellik
Şeýle at bilen «Türkmengaz» döwlet konserniniň Ylmy-barlag tebigy gaz institutynyň mejlisler zalynda Arkadag Serdarly bagtyýar ýaşlar ýylynda mähriban enelerimiziň miras goýan nepis we inçe sungatyny öwrenmek, ösdürmek hem-de kämilleşdirmek, çeper el hünäriniň şan-şöhratyny dünýä ýaýmak maksady bilen wagyz-nesihat ýygnagy geçirildi. «Türkmengaz» döwlet konserniniň ilkinji zenanlar guramasy tarapyndan geçirilen çärä ýurdumyzyň ýangyç-energetika toplumynyň edara-kärhanalarynyň hünärmenleri, nurana ýüzli gelin-gyzlarymyzdyr mähriban eneler gatnaşdylar.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.