Türkmenistan içerki bazary nebit önümleri bilen doly üpjün edýär we olary daşary ýurtlara iberýär
13:12 22.11.2023 8919
"Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyna" laýyklykda, ýurduň içerki bazaryny nebit önümleri bilen üpjün etmek, şeýle hem olary daşary ýurtlara ugratmak üçin öndürilýän nebit we gazhimiýa önümleriniň mukdaryny artdyrmak hormatly Prezidentimiz Serdar Berdimuhamedowyň kesgitlän esasy wezipeleriniň biri bolup durýar.
Arkadagly Gahryman Serdarymyzyň öňde goýan wezipelerini çözmek bilen, eýýäm häzir “Türkmennebit” döwlet konserniniň Türkmenbaşydaky nebiti gaýtadan işleýän zawodlar toplumynda hem-de Seýdiniň nebiti gaýtadan işleýän zawodynda nebiti we gaz kondensatyny gaýtadan işlemegiň taslama kuwwaty Türkmenistanyň içerki bazaryny nebit önümleri bilen doly üpjün etmäge, şeýle hem olary daşary ýurtlara ugratmaga mümkinçilik berýär.
Zawodlary döwrebaplaşdyrmaga gönükdirilen uly möçberdäki maýagoýumlary täze öňdebaryjy tehnologiýalary ornaşdyrmaga, çykarylýan önümiň hilini ýokarlandyrmaga hem-de nebiti gaýtadan işlemegiň çuňlugyny iň gowy dünýä ölçeglerine ýetirmäge mümkinçilik döretdi. Şol taslamalaryň amala aşyrylmagy söwda-ykdysady gatnaşyklara täze itergi berdi.
Häzir dünýä bazarynda etilleşdirilmedik awtobenzinler, awiasiýa we tehniki kerosin, reaktiw we dizel ýangyjy, mazut, çalgy ýaglary, polipropilen, peç ýangyjy, ýeňil gazoýl, nebit elektrodly koks, suwuklandyrylan gaz, gurluşyk we ýol bitumlary hem-de ýurdumyzyň bu iri nebiti gaýtadan işleýän zawodlarynda öndürilýän beýleki nebithimiýa önümleri uly islegden peýdalanýar.
Halkara hil ölçeglerine gabat gelýän ýokary hilli nebit we nebithimiýa önümleri Russiýa, Özbegistana, Hytaýa, Türkiýä, Eýrana, Pakistana, Owganystana, Ýewropa we beýleki döwletlere eksport edilýär. Bularyň hemmesi söwda-ykdysady gatnaşyklary giňeltmäge hem-de haryt dolanyşygynyň möçberini artdyrmaga gös-göni ýardam edýär.
Umuman, nebitgaz pudagynda Merkezi we Günorta Aziýanyň, şeýle hem Ýewropanyň döwletleri bilen hyzmatdaşlyk edilmegi ýangyç-energetika toplumynyň we ýurdumyzyň tutuş ykdysadyýetiniň eksport kuwwatynyň berkemegine ýardam edýär.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.
Türkmenistanyň Prezidenti we ÝTÖB-niň ýolbaşçysy hyzmatdaşlygy giňeltmäge gyzyklanma bildirdiler
3-nji aprelde Özbegistanda iş saparynda bolýan Prezidentimiz Serdar Berdimuhamedow Samarkant şäherinde geçiriljek «Merkezi Aziýa — Ýewropa Bileleşigi» görnüşindäki birinji sammitiň çäklerinde Ýewropanyň täzeleniş we ösüş bankynyň ýolbaşçysy hanym Odil Reno-Basso bilen duşuşdy diýip, TDH habar berýär.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
«Türkmen maýa goýum kompaniýasy» ýerli işewürligi hyzmatdaşlyga çagyrýar
Türkmenistanyň Döwlet daşary ykdysady iş banky bilen BAE-niň Abu-Dabi ösüş gaznasy bilen bilelikde dünýä tejribesine laýyklykda döredilen «Türkmen maýa goýum kompaniýasy» ýapyk görnüşli paýdarlar jemgyýeti Türkmenistandan işewürleri hyzmatdaşlyga çagyrýar. Bu barada «Нейтральный Туркменистан» gazetinde habar berilýär.
Baku Hazarüsti gaz geçirijisiniň gurluşygyny goldar, emma onuň öňe sürüjisi bolmaz
Azerbaýjan eger-de Türkmenistanyň Hökümeti Hazarüsti gaz geçirijisiniň gurluşygy hakynda karar kabul etse, ony goldar, emma Baku taslamanyň öňe sürüjisi bolmaz diýip Prezident Ilham Aliýew belledi. Bu barada Interfaks habar berýär.