Informatika boýunça halkara olimpiada öz işine başlady
10:17 18.04.2024 1162
![https://oilgas.gov.tm/storage/posts/10540/original-16620ace89fffe.jpg](https://oilgas.gov.tm/storage/posts/10540/original-16620ace89fffe.jpg)
“Pähim-paýhas ummany Magtymguly Pyragy” ýylynyň 17-nji aprelinde Ýagşygeldi Kakaýew adyndaky Halkara nebit we gaz uniwersitetinde Türkmenistanyň we daşary ýurtlaryň ýokary okuw mekdepleriniň talyplarynyň II Açyk halkara informatika olimpiadasy (OIOIUS-2024) dabaraly ýagdaýda öz işine başlady.
![](https://oilgas.gov.tm/storage/posts/Feu9mRsbG7RMvtf8U5ZsM5RsgeynSaVmmulgf8gMPZwGZxKvFPahWnAlNCT8.jpg)
Halkara olimpiada dünýäniň 18 döwletinden, ýagny Russiýa Federasiýasynyň, Hytaý Halk Respublikasynyň, Germaniýanyň, Rumyniýanyň, Özbegistanyň, Gazagystanyň, Gyrgyzystanyň, Täjigistanyň, Owganystanyň, Belarus Respublikasynyň, Azerbaýjanyň, Gruziýanyň, Ermenistanyň, Eýran Yslam Respublikasynyň, Türkiýe Respublikasynyň, Katar döwletiniň, Liwiýanyň ýokary okuw mekdepleriniň talyp ýaşlary we mugallymlary gatnaşýar. Halkara Informatika olimpiadasyna ýurdumyzyň we daşary ýurtlaryň 50-den gowrak ýokary okuw mekdebinden jemi 350-ä golaý talyp, 31 sany daşary ýurtly ýolbaşçy mugallym gatnaşýar.
![](https://oilgas.gov.tm/storage/posts/VlkTb5yznoQS1FNYxrDeIXS34D4IhoGKNk601660GwJqoy67wSnOtJxeOyRC.jpg)
Olimpiadanyň açylyş dabarasy turuwbaşdan şatlyk-şowhuna beslendi. Onda Ýagşygeldi Kakaýew adyndaky Halkara nebit we gaz uniwersitetiniň rektory gutlag sözi bilen çykyş edip, ähli gatnaşyjylara üstünlikleri arzuw etdi hem-de şeýle iri möçberli halkara çäräni geçirmekde döredip berýän mümkinçilikleri üçin Gahryman Arkadagymyza, Arkadagly Gahryman Serdarymyza çäksiz hoşallyk sözlerini aýtdy. Dabaraly çärede daşary ýurtly alym-professorlaryň giň mazmunly çykyşlary diölenildi, şeýle-de, abraýly ýokary okuw mekdepleriniň rektorlary onlaýn usulda ähli gatnaşyjylara üstünlikleri arzuw edip, halkara olimpiadasynyň ýokary guramaçylygyny aýratyn bellediler. Açylyş dabarasynda ýaş zehinleriň doganlyk halklaryň dilindäki joşgunly aýdymlary çäräniň dabarasyny has-da artdyrdy.
Uniwersitetiň esasy binasynda guralan sergi olimpiada gatnaşyjylarda ýakymly duýgulary döretdi. Sergide halkymyzyň gadymy taryhyny, şanly şu gününi, ykdysady kuwwatyny, baý medeni mirasyny, döredijilik däplerini şöhlelendirýän şekillendiriş, amaly-haşam sungatynyň eserleri, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň ajaýyp kitaplary ýerleşdirilipdir.
![](https://oilgas.gov.tm/storage/posts/qlruRxgz7v3xySjG0KqdAcVLuOpbdF4Dsm8dssWemq9VCC9MZeboLDFMkaEu.jpg)
Şol gün ýurdumyzyň we daşary ýurtlaryň ýokary okuw mekdepleriniň talyplarynyň II Açyk halkara informatika olimpiadasynyň birinji tapgyry geçirildi. Şu gün bolsa olimpiadanyň ikinji tapgyry geçiriler. Meýilnama laýyklykda, 19-njy aprelde olimpiada gatnaşýan talyp ýaşlaryň arasynda “Berkarar döwletiň täze eýýamynyň Galkynyşy döwründe talyp ýaşlaryň ylmy garaýyşlary” atly halkara ylmy-amaly maslahaty we sergisi geçiriler. Onuň dowamynda olimpiadanyň ýeňijileri dabaraly ýagdaýda sylaglanar.
![](https://oilgas.gov.tm/storage/posts/9ybKxmOdxko9mp3dEZdqNcAcnyZgxfeMHrIWZ1TrI3wAxfMHsHdxXdaoSDoG.jpg)
Halkara olimpiadanyň çäginde daşary ýurtly myhmanlar üçin paýtagtymyzyň gözel künjeklerine, medeniýet we sungat, söwda we dynç alyş merkezlerine, şeýle-de «Nusaý» ýadygärlikler toplumyna gezelençler guralýar.
![162f9e70ec400d.jpeg](https://oilgas.gov.tm/storage/posts/5298/large-162f9e70ec400d.jpeg)
«Awazada» deňze çykalgasy bolmadyk ösüp barýan döwletleriň ulag boýunça maslahaty öz işine başlady
15-nji awgustda irden «Awaza» milli syýahatçylyk zolagynyň Kongressler merkezinde deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahaty öz işine başlady.
![162f5f51979269.jpeg](https://oilgas.gov.tm/storage/posts/5284/large-162f5f51979269.jpeg)
Ýewropada gazyň spotlaýyn bahasy müň kub metrine 2300 dollardan geçdi
Ýewropada gazyň spotlaýyn bahasy müň kub metrine 2300 dollardan geçdi. ICE Futures biržasynda TTF üçin golaýdaky fýuçersiň bahasy penşenbe güni irden müň kub metri üçin 2311 dollara ýetdi, şol bir wagtyň özünde söwdalaşyklar 2200 dollardan başlandy diýip, Interfaks habar berýär.
![162f5f12236c73.jpeg](https://oilgas.gov.tm/storage/posts/5285/large-162f5f12236c73.jpeg)
Brend nebiti 99,11 dollara çenli arzanlady
Deslapky günüň söwdalaşyklarynda ynamly ösüşden soň, anna güni söwdalaryň barşynda nebitiň bahalary aşaklaýar diýip, Interfaks habar berýär.
![162f9ec9450f7f.jpeg](https://oilgas.gov.tm/storage/posts/5297/large-162f9ec9450f7f.jpeg)
Hökümetiň göçme mejlisinde Türkmenistanyň nebitgaz toplumynyň ýanwar-iýul aýy boýunça işleriniň netijeleri jemlendi
Geçen anna güni, 12-nji awgustda Hazar deňziniň kenarynda zähmet rugsadynda bolýan Prezidenti Serdar Berdimuhamedow Ministrler Kabinetiniň göçme mejlisini geçirdi. Onda ýurdumyzda şu ýylyň ýedi aýynda alnyp barlan işleriň jemi jemlenildi hem-de käbir meselelere garaldy. Mejlisiň barşynda wise-premýer Ş.Abdrahmanow gözegçilik edýän pudaklarynda şu ýylyň ýanwar — iýul aýlarynda alnyp barlan işleriň netijeleri barada hasabat berdi.
![162fb603fda7dd.jpeg](https://oilgas.gov.tm/storage/posts/5311/large-162fb603fda7dd.jpeg)
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.