Wood Mackenzie: Brent nebitiniň bahalary baryp 2025-nji ýylda 85-90 dollara düşer
17:34 17.06.2022 6799
Dünýä bazarlarynda ibermeleriň üýtgemegi bilen baglylykda nebitiň bahalary ýakyn ýyllarda ýokary bolmagynda galar, onuň bahalaryna hatda islegiň mümkin bolan pese gaçmasy-da täsir edip bilmez. Bular ýaly çaklamany Wood Mackenzie-niň analitikleri berýär diýip, Interfaks habar berýär.
«Islegiň has pes bolmagy bazarda dartgynlylygy gowşadar, emma nebitiň bahalary ýokary bolmagynda galar: täze hem-de has pes netijeli söwda deňagramlylygy bahalaryň aşaklamazdan öň, häzirki derejesinde saklanjakdygyny aňladýar. Soňlugy bilen nyrhlar uruşdan öňki çaklamadan hem has ýokarlanar. Şol bir wagtda, Brentiň barreliniň bahasy baryp, 2025-nji ýylda 85-90 dollara düşer, Ýewropada nebiti gaýtadan işlemegiň markasy bolsa 2030-njy ýyla çenli ýokary bolmagynda galar» - diýip Wood Mackenzie-niň habarynda aýdylýar.
Analitikleriň bellemegine görä, nebitiň emele gelen ýokary nyrhlary dünýä boýunça islegi aşakladýar. Çaklamalara görä, 2030-njy ýyla çenli isleg günde 2 mln barrele çenli azalyp biler.
Wood Mackenzie-de bellemeklerine görä, Russiýa günbataryň sanksiýalaryna garamazdan, beýleki ýurtlaryň satyn alyjylaryny, ilkinji nobatda, Hindistany ynandyryp, nebit ibermelerini üýtgetmegi başardy.
«Russiýadan ÝB importyň gönüden-göni gadaganlygy nebit we nebit önümleriniň söwdasynyň üýtgemegini diňe bir çaltlandyrýar. Bu hadysa eýýäm başlandy» - diýlip habarda aýdylýar.
Analitikleriň pikirine görä, ibermeleriň üýtgemegi nebitiň teklibi we ýylyň ahyryna çenli bahalary üçin aşa çylşyrymly ýagdaýlary döretmezden tamamlanar.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.