Wladimir Putin: «Gazpromyň» ýolbaşçylary ýakynda Türkmenistana geler
22:35 30.06.2022 2817
Russiýanyň Prezidenti Wladimir Putin «Gazpromyň» ýolbaşçylarynyň ýakyn wagtda Türkmenistana geljekdigini habar berdi.Bu barada Russiýanyň Lideri 29-njy iýunda Aşgabatda geçirilen altynjy Hazar sammiti tamamlanandan soň, žurnalistleriň sowalyna beren jogabynda aýtdy diýip, Russiýanyň Prezidentiniň saýty habar berýär.
Wladimir Putin Türkmenistana bu saparynyň aýratyn ähmiýetini belläp, altynjy Hazar sammitiniň netijeleri boýunça hazarýaka döwletleriniň hyzmatdaşlygynyň mundan beýläkki geljegi barada gürrüň berdi.
«Men eýýäm belläp geçipdim we ýene-de gaýtalamak isleýärin: Türkmenistany we Türkmenistanyň halkyny bu saýlawy bilen gutlamak isleýärin. Täze Prezident — ýaş, gujurly, kämil bilimli we döwlet işinde eýýäm tejribeli. Biziň oňyn gatnaşyklarymyz emele gelýär. Ol öňki Prezidentden — kakasyndan estafetany kabul etdi. Moskwa sapary wagtynda örän peýdaly hem ýerlikli gürrüň etdik. Biz ikitaraplaýyn gatnaşyklary ösdürmek boýunça hereketleriň meýilnamasyny kesgitledik we ony durmuşa geçirip başladyk» diýip, Wladimir Putin belledi.
«Gurbanguly Mälikgulyýewiç barada bellesek, onuň bilen diýseň dostlukly gatnaşyklarymyz bar. Onuň tagallalary mynasybetli rus-türkmen gatnaşyklaryny ösdürmek üçin binýat döredildi, hyzmatdaşlyk dowam edýär, üstesine, kompaniýalarymyzyň energetika, bilim, ulag ugurlary boýunça hem dowam edýär. Bu örän wajyp, häzirki zaman dünýäsinde logistika ykdysady üstünligiň möhüm düzüjileriniň biridir» - diýip, RF-niň Prezidenti belledi.
«Gatnaşyklarymyzyň däp bolan ugurlary boýunça hem: energetika, beýleki birnäçe ugurlar boýunça hem anyk ylalaşyklar bar, şol sanda käbir şertnamalarymyzy dowam etmek hakynda ylalaşyk bar. «Gazpromyň» ýolbaşçylary ýakynda Türkmenistana geler» diýip, W.Putin belledi.
«Şonuň üçin hem biz Türkmenistanyň ýolbaşçylaryna bu çäräni gurandyklary üçin minnetdardyrys. Şular ýay uzaga çeken, aýdaly «kowid arakesmesinden» soň, birek-birek bilen doly derejede işlemmek miýesser etdi. Bu örän peýdaly boldy» diýip, Putin belledi.
Türkmenistan daşary ýurt raýatlarynyň Owganystandan äkidilmegi üçin daşary ýurt uçarlaryna howa giňişligini üpjün edýär
Türkmenistan daşary ýurtlaryň raýatlarynyň daşary ýurt döwletleriniň howa gämileri bilen äkidilmegi üçin özüniň howa giňişligini üpjün edýändir diýip, Türkmenistanyň DIM-niň Metbugat gullugy penşenbe güni habar berdi.
Türkmenistanyň we Eýranyň Prezidentleri telefon arkaly hyzmatdaşlygyň ileri tutulýan ugurlaryny maslahatlaşdylar
Prezident Serdar Berdimuhamedow sişenbe güni Eýran Yslam Respublikasynyň Prezidenti Seýed Ebrahim Raisi bilen geçiren telefon arkaly söhbetdeşliginde döwletara gatnaşyklarynyň ileri tutulýan meselelerini maslahatlaşdylar diýip, TDH habar berýär.
«Taliban» hereketi TOPH we Owganystandaky beýleki infrastruktura taslamalaryny durmuşa geçirmäge gyzyklanma bildirýär - wekil
«Taliban» hereketi Türkmenistan – Owganystan – Pakistan – Hindistan (TOPH) transmilli gaz geçirijisiniň gurluşygyna we ýurtdaky beýleki iri infrastruktura taslamalaryny durmuşa geçirmeklige gyzyklanma bildirýär. Bu barada hereketiň Katardaky syýasy edarasynyň resmi wekili Mohammed Suheýl Şahin sişenbe güni Sky News teleýaýlymyna beren interwýusynda belledi.
Türkmenistan we ABŞ hyzmatdaşlygyň «Ýol kartasyny» we dürli derejedäki özara saparlary guramak boýunça teklipleri işläp taýýarlar
Prezident Serdar Berdimuhamedow Türkmenistan bilen Amerikanyň Birleşen Ştatlarynyň arasyndaky gatnaşyklary işjeňleşdirmek maksady bilen, 2023-2024-nji ýyllar üçin hyzmatdaşlygyň “Ýol kartasyny”, gatnaşyklaryň şertnama-hukuk binýadyny berkitmek üçin teklipleri, Türkmenistan bilen ABŞ-nyň arasynda guraljak dürli derejedäki saparlaryň Çarçuwaly meýilnamasyny taýýarlamak baradaky teklipleri makullady.
Türkmenistanyň döwlet düzümleri Owganystan bilen döwlet serhetleriniň goragy boýunça «Таliban» hereketiniň wekilleri bilen gatnaşyklary saklaýarlar
Türkmenistanyň Daşary işler ministrliginiň Metbugat gullugynyň habar bermegine görä, ýurduň diplomatik gullugynyň we beýleki döwlet edaralarynyň işgärleri döwlet serhediniň goraglylygy, gümrük, sanitar, fitosanitar we ýükleriň serhet üstünden geçirilmeginde amal edilýän barlagyň hem-de gözegçiligiň gaýry görnüşleriniň meseleleri babatynda «Таliban» hereketiniň wekilleri bilen yzygiderli gatnaşyklary saklaýarlar.