«Tatneft» Türkmenistanda önümçilik infrastrukturasyny giňeltmäge taýýarlanýar
18:30 09.07.2022 5245
«Tatneft» rus kompaniýasynyň Türkmenistandaky şahamçasy ýurdumyzda bar bolan önümçilik infrastrukturasyny giňeltmegi meýilleşdirýär. Muňa türkmen habar beriş serişdelerinde neşir edilen degişli tender habar berýär.
Tendere laýyklykda, kompaniýa «Tatneft-iň» şahamçasynyň önümçilik binýadyny giňeltmek boýunça işleri taslajak we ýerine ýetirjek potratçyny gözleýär.
Uzak ýyllaryň dowamynda «Tatneft» «Goturdepe» nebitgaz ýatagynda guýularyň nebit öndürijiligini artdyrmak boýunça taslamanyň çäklerinde «Türkmennebit» döwlet konserni bilen hyzmatdaşlyk edýär. 2020-nji ýylda taraplar şertnamanyň möhletini 8 ýyl uzaltdylar.
«Goturdepenebit» müdirliginiň guýularynda geçirilen işlerden soň, türkmen nebitçileri «Tatneftdäki» kärdeşleri bilen bilelikde guýularyň abatlaýyş işleri geçirilmezden ulanyş möhletini 6 esse artdyrdylar.
2022-nji ýylyň martynda «Türkmennebit» DK we «Tatneft» «Goturdepe» ýatagynda 550 sany nebit guýusynyň öndürijiligini artdyrmak boýunça hyzmatlary etmek üçin goşmaça ylalaşyk baglanyşdy.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
GECF-niň Baş sekretary dünýäniň gaz bazarynda Türkmenistanyň ornuny belledi
“Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatyna Gazy eksport ediji ýurtlaryň forumynyň (GECF) Baş sekretary Mohammed Hamel gatnaşdy.
Türkmenistanyň Prezidenti “Türkmengaz”, “Türkmennebit” DK-laryň gurluş düzümini kämilleşdirmek işlerini dowam etdirmegi tabşyrdy
20-nji martda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi.
Türkmenistanyň Prezidenti watandaşlaryny Halkara Nowruz güni bilen gutlady
“Eziz watandaşlar! Sizi ýurdumyzda şatlyk-şowhun bilen bellenilýän Milli bahar baýramy — Halkara Nowruz güni mynasybetli tüýs ýürekden gutlaýaryn” diýip, Türkmenistanyň Prezidentiniň türkmen halkyna gutlagynda aýdylýar.
Türkmenistanda Konstitusiýa we Döwlet baýdagynyň güni bellenildi
18-nji maýda Türkmenistanyň Konstitusiýasynyň we Döwlet baýdagynyň güni mynasybetli Aşgabatda Prezident Serdar Berdimuhamedowyň gatnaşmagynda Konstitusiýa binasyna hem-de ýurdumyzyň Baş baýdagyna gül goýmak dabaralary geçirildi.