Geçen şenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň möhüm wezipelerine hem-de birnäçe resminamalaryň taslamalaryna garaldy.

25-27-nji oktýabrda Aşgabatda geçirilen «Türkmenistanyň nebiti we gazy 2023» (OGT 2023) Halkara sergisi we maslahaty Türkmenistanyň ýangyç-energetika toplumynyň iň iri hem üstünlikli çäreleriniň biri boldy. Forum 700-den gowrak milli we daşary ýurt wekillerini, 400-den gowrak kompaniýalary we 10 müň töweregi sergä gatnaşyjylary özüne çekdi.

Bu günki gün dünýäde köplenç birek-birege gapma-garşy gelýän üç sany çagyryşy ylalaşdyrmak zerurlygy turýar: energetika howpsuzlygy, energetiki adalatlylyk we ekologiýa durnuklylygy. TOPH gaz geçirijisiniň taslamasy ekologiýa durnuklylygyny saklap, sebitiň energetika hoowpsuzlygyna düýpli goşant goşup biler. Bu mowzuk TAPI Pipeline Company Ltd-niň baş ýerine ýetiriji direktory Muhammetmyrat Amanowyň Aşgabatda 25-27-nji oktýabrda geçen «Türkmenistanyň nebiti we gazy 2023» Halkara maslahatynda eden çykyşynyň esasyny düzdi.

Prezident Serdar Berdimuhamedow Türkiýe Respublikasyna resmi saparynyň çäklerinde Ankarada geçirilýän Türkmen-türk işewürlik maslahatynyň açylyş dabarasyndaky eden çykyşynda Türkmenistan Türkiýeli hyzmatdaşlar bilen energetika ulgamynda özara hereketlere açykdygyny aýtdy diýip, TDH belledi.

Penşenbe güni Ankara şäherinde Türkmenistanyň Prezidenti Serdar Berdimuhamedowyň we Türkiýe Respublikasynyň Prezidenti Rejep Taýyp Ärdoganyň arasynda gepleşikler geçirildi diýip, TDH habar berýär.

Prezident Serdar Berdimuhamedow Türkiýe Respublikasyna resmi saparynyň çäklerinde Ankarada geçirilýän Türkmen-türk işewürlik maslahatynyň açylyş dabarasyndaky eden çykyşynda Bilelikdäki maýa goýum fonduny hem-de Maýa goýumlary boýunça Bilelikdäki iş toparyny döretmegi teklip etdi. Bu barada TDH habar berdi.

“Türkmenistanyň nebiti we gazy – 2023” atly halkara konferensiýa we sergä rekord derejede gatnaşyjy bardy. Bu barada çäräniň jemi boýunça geçirilen metbugat konferensiýasynda forumyň guramaçylary aýtdy.

“Gazprom” açyk görnüşli paýdarlar jemgyýeti bilen baglaşylan şertnamada göz öňünde tutulyşy ýaly, 2023-nji ýylda Russiýa, takmynan, 5 mlrd kub metr türkmen gazynyň iberilmegine garaşylýar. Bu barada žurnalistlere “Türkmengaz” döwlet konserniniň başlygynyň orunbasary Myrat Arçaýew Aşgabatda geçirilen OGT – 2023 sergisiniň jemi boýunça metbugat konferensiýasynda aýtdy.

Aşgabatda Türkmenistanyň Söwda-senagat edarasynda “Türkmenistanyň nebiti we gazy” (OGT 2023) atly XXVIII Halkara maslahaty we sergisi geçirildi

Ýakyn ýyllarda dünýä energetika ulgamynda Türkmenistanyň orny görnetin pugtalanar. Bu pikir Aşgabatda dowam edýän «Türkmenistanyň nebit we gazy — 2023» (OGT-2023) halkara maslahatynyň umumy mejlisinde bilermenler tarapyndan beýan edildi.

Çarşenbe güni Prezident Serdar Berdimuhamedow resmi sapar bilen Türkiýe Respublikasyna ugrady. Aşgabadyň Halkara howa menzilinde döwlet Baştutanymyzy resmi adamlar ugratdylar.

Hytaýyň Milli nebitgaz korporasiýasynyň (CNPC) prezidenti Hou Siszýun çarşenbe güni “Türkmenistanyň nebiti we gazy – 2023” atly halkara konferensiýanyň umumy sessiýasynda eden çykyşynda Hytaý bilen Türkmenistanyň halkara energetika bazarynda möhüm rol oýnaýandygyny we bu ýurtlarda çuň strategiki ähmiýete eýe bolan ägirt uly hyzmatdaşlyk potensialynyň bardygyny belledi.

BMG-niň Ýewropa Ykdysady Komissiýasy (BMG ÝYK) Prezident Serdar Berdimuhamedowyň Türkmenistanyň Metan boýunça ählumumy borçlulyga goşulmagyny öwrenmek boýunça 2023-2024-nji ýyllarda halkara hyzmatdaşlygyny ösdürmegiň Ýol kartasyny tassyklamagyny goldaýar. Bu barada BMG-niň ÝYK-nyň durnukly energetika bölüminiň direktory Dario Liguti Aşgabatda çarşenbe güni öz işine başlan «Türkmenistanyň nebiti we gazy – 2023» Halkara maslahatynyň umumy mejlisiniň açylyşynda eden çykyşynda belledi.

Türkmenistanyň wekiliýeti Saud Arabystanyna saparynyň dowamynda iki ýurduň arasynda nebit-gaz we himiýa, şol sanda gaýtadan dikeldilýän energiýa çeşmeleri ulgamynda hyzmatdaşlyk etmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasy habar berýär.