Ýanwar-oktýabr aýlarynda «Transneftiň» nebitgeçirijileri boýunça Russiýa Federasiýasynyň çäginde Türkmenistandan 1,53 mln tonna nebit üstaşyr geçirildi. Şolardan oktýabr aýynda 80,9 müň tonna «gara altyn» iberildi. Bu barada Interfaks habar berýär.

Ýekşenbe güni Türkmenistanyň Daşary işler ministri Raşid Meredow Kabul şäherine bolan iş saparynyň çäklerinde Owganystanyň ýokary derejeli döwlet wekilleri bilen birnäçe duşuşyklary geçirdi. Işjeň gepleşikleriň barşynda owgan tarapy bilelikdäki ykdysady taslamalaryň ählisiniň howpsuzlygynyň üpjün ediljekdigini beýan etdi diýip, Türkmenistanyň daşary syýasat edarasynyň saýty habar berýär.

Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň ýolbaşçylygyndaky türkmen wekiliýeti Owganystanyň Hökümet ýolbaşçylary bilen gepleşikleri geçirdi diýip, Türkmenistanyň daşary syýasat edarasynyň saýty habar berýär.

Prezident Gurbanguly Berdimuhamedowyň penşenbe güni sanly ulgam arkaly geçiren Hökümet mejlisiniň barşynda, Ministrler Kabinetiniň Başlygynyň orunbasary Ş.Abdrahmanow gyş möwsümine taýýarlyk görlüşi hem-de içerki sarp edijileriň tebigy gaz bilen bökdençsiz we ygtybarly üpjün edilişi barada hasabat berdi.

27-28-nji oktýabrda Aşgabatda geçirilen «Türkmenistanyň nebiti we gazy – 2021» XXVI Halkara maslahatynyň çäklerinde «Türkmengeologiýa» döwlet korporasiýasy we «Yug-Neftegaz Private Limited» (Singapur) kompaniýasy Türkmenistanyň günbatarynda Goturdepe nebitgaz käniniň gündogar böleginde we Günorta Burun etraplarynda 3D we 2D barlaglaryny geçirmek üçin şertnama gol çekdiler.

«Türkmenistanyň nebiti we gazy – 2021» XXVI Halkara maslahatynyň ikinji güni Hazaryň türkmen kenarynda maýa goýum taslamalaryny maliýeleşdirmek ulgamynda täzeçillikleri, şeýle hem pes uglerodly geljege geçmekde tebigy gazyň ornuny maslahatlaşmaga bagyşlandy.

«Türkmenistanyň nebiti we gazy – 2021» XXVI Halkara maslahatynyň ikinji ýarymynda «Expo Dubai 2020» Bütindünýä sergisine gatnaşyjylaryň arasynda teleköpri guraldy. Oňa gatnaşyjylar häzirki döwrüň ileri tutulýan meseleleriniň biri bolan — tebigy gazy we energiýanyň dikeldilýän çeşmelerini peýdalanmak arkaly pes uglerodly geljege geçmek meselesini maslahatlaşdylar.

«Türkmengaz» döwlet konserni we Daniýanyň «Haldor Topsoe» kompaniýasy tebigy gazyň monetizasiýasy ulgamynda hyzmatdaşlygy dowam etmek hakynda ylalaşdylar. Bu gezekki hyzmatdaşlyk ammiagy we metanoly gaýtadan işlemegi dowam etmeklige gönükdirilendir. Özara düşünişmek hakynda degişli Ähtnama taraplar Aşgabatda geçirilýän «Türkmenistanyň nebiti we gazy - 2021» XXVI Halkara maslahatynyň işiniň çäklerinde gol çekdiler.

26-27-nji oktýabrynda Tähranda Ykdysady hyzmatdaşlyk boýunça bilelikdäki türkmen-eýran hökümetara toparynyň 16-njy mejlisinde özara gatnaşyklaryň esasy ugurlary we ýakyn geljek üçin ileri tutulýan bilelikdäki taslamalar ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.

Eýran Yslam Respublikasy Türkmenistana bolan tebigy gaz bergisini üzmegi meýilleşdirýär diýip, EYR-niň nebit ministri Jawad Owji aýtdy. Bu barada Shana eýran habarlar agentligi habar berýär. Bu barada Owji Türkmenistanyň Ministrler Kabinetiniň Başlygynyň orunbasary, daşary işler ministri bilen geçiren duşuşygyndan soňra habarçylara beren beýanatynda belläp geçdi.

Çarşenbe güni Prezident Gurbanguly Berdimuhamedow käbir wise-premýerleriň, nebitgaz toplumynyň ýolbaşçylarynyň hem-de “Türkmenistanyň nebiti we gazy — 2021” atly XXVI halkara maslahata gatnaşmak üçin ýurdumyza gelen Russiýa Federasiýasynyň Tatarystan Respublikasynyň “Tatneft” açyk görnüşli paýdarlar jemgyýetiniň wekilleriniň gatnaşmagynda iş maslahatyny geçirdi.

Şu gün günüň ikinji ýarymynda Türkmenistanyň Söwda-senagat edarasynyň binasynda ýurdumyzyň Garaşsyzlygynyň 30 ýyllygyna bagyşlanyp, «Türkmenistanyň nebiti we gazy — 2021» atly XXVI halkara maslahaty öz işine başlady. Bu forumyň guramaçylary bolup «Türkmengaz», «Türkmennebit» döwlet konsernleri we «Türkmengeologiýa» döwlet korporasiýasy GaffneyCline britan kompaniýasynyň goldaw bermeginde «Turkmen Forum» HJ bilen hyzmatdaşlykda çykyş edýär.

Nebiti eksport ediji döwletleriň guramasy (OPEC) Türkmenistan bilen gatnaşyklaryny berkitmäge taýýar. Bu barada OPEC-niň Baş sekretary Mohammed Sanusi Barkindo şu gün Aşgabatda açylan «Türkmenistanyň nebiti we gazy» 26-njy halkara maslahatyna gatnaşyjylara wiseoýüzlenmesinde aýtdy.

Sizi gözel paýtagtymyzda ýigrimi altynjy gezek geçirilýän «Türkmenistanyň nebiti we gazy — 2021» atly halkara maslahatyň öz işine başlamagy bilen tüýs ýürekden gutlaýaryn. Watanymyzyň nebitgaz pudagyny ösdürmek ugrunda alyp barýan işleriňizde rowaçlyklary arzuw edýärin.

«Türkmenistanyň nebiti we gazy — 2021» atly XXVI halkara maslahatynyň öňüsyrasynda ÝHHG nebitgaz ulgamynda energetika diplomatiýasynyň strategiýasyny işläp düzmekde we ilerletmekde öňdebaryjy halkara tejribesine bagyşlanyp, Aşgabatda onlaýn seminar geçirdi.