Türkmenistanyň ykdysadyýetine daşary ýurt maýalaryny çekmek boýunça Halkara forumyna (TEIF 2025) taýýarlyk ýokary derejede dowam edýär. Forum 2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriler. Ýokary derejeli çykyşlar, panelleýin geňeşmeler we uly işewürlik mümkinçilikleri boljak bu forum halkara maýa goýumlaryny we strategik hyzmatdaşlygy ilerletmek üçin möhüm platforma öwrüler.

Aşgabatda COP29 – BMG-niň Howanyň üýtgemegi boýunça Konferensiýasynyň netijelerine bagyşlanan brifing geçirildi. Onda Azerbaýjanyň Türkmenistandaky ilçisi Gismet Gezalow 2024-nji ýylyň noýabr aýynda Bakuwda geçirilen konferensiýanyň esasy jemlerini beýan etdi.

Duşanbe şäherinde geçirilen «Merkezi Aziýa – Ýewropa Bileleşigi» görnüşindäki Owganystan boýunça ýörite wekilleriň altynjy duşuşygyna gatnaşyjylar Owganystany dikeltmek bilen bagly bilelikdäki taslamalary durmuşa geçirmäge gyzyklanma bildirdiler. Bu barada Türkmenistanyň DIM-nde habar berdiler.

5-nji fewralda Prezident Serdar Berdimuhamedow Ýaponiýanyň Premýer-ministriniň ýörite geňeşçisi Akihisa Nagaşimany kabul etdi diýip, TDH habar berýär.

5-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Ýaponiýanyň Premýer-ministriniň ýörite geňeşçisi Akihisa Nagaşima bilen duşuşdy. Duşuşygyň barşynda hyzmatdaşlygy ösdürmek, şol sanda nebitgaz ulgamynda hyzmatdaşlyk maslahatlaşyldy diýip, TDH habar berýär.

4-nji fewralda Astana amala aşyran saparynyň çäklerinde Türkmenistanyň wise-premýeri, daşary işler ministri Raşid Meredow Gazagystanyň Prezidenti Kasym-Jomart Tokaýew tarapyndan kabul edildi. Bu barada ýurdumyzyň DIM-nde habar berdiler.

3-nji fewralda Pakistan Yslam Respublikasynyň Hyratdaky (Owganystan) täze bellenilen Baş konsuly Haýder Manawer bilen Türkmenistanyň Baş konsuly B.Ýolowyň arasynda geçirilen tanyşlyk duşuşygynda ýangyç-energetika toplumynda bilelikdäki taslamalary durmuşa geçirmek meseleleri maslahatlaşyldy diýip, ORIENT News habar berýär.

Türkmenistanyň Prezidenti Ykdysady hyzmatdaşlyk boýunça hökümetara türkmen-türk toparynyň türkmen böleginiň düzümi tassyklaýan Karara gol çekdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.

3-nji fewralda Astana şäherinde Türkmenistanyň we Gazagystan Respublikasynyň daşary syýasat edaralarynyň arasynda syýasy geňeşmeler geçirildi diýip, ýurdumyzyň daşary syýasat edarasy habar berdi.

3-nji fewralda daşary işler ministriniň orunbasary A.Gurbanowyň ýolbaşçylygyndaky Türkmenistanyň wekiliýeti Tähran şäherinde geçirilen Ykdysady hyzmatdaşlyk guramasyna (YHG) agza ýurtlaryň Daşary işler ministrleriniň orunbasarlarynyň ýokary derejeli komitetiniň birinji mejlisine gatnaşdy diýip, Türkmenistanyň DIM-nde habar berdiler.

19-20-nji fewralda Aşgabatda Ykdysady hyzmatdaşlyk boýunça hökümetara türkmen-türk toparynyň sekizinji mejlisi geçiriler diýip, TDH habar berýär.

Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan «Türkmengaz» döwlet konserniniň Medeni-işewürlik merkezinde «Parahatlyk nury örtüp Zemini, geldi Pyragynyň diýen zamany» atly dabaraly maslahat geçirildi. Oňa toplumyň edara-kärhanalarynyň işgärleri gatnaşdylar.

Anna güni geçirilen Hökümet mejlisiniň barşynda Ministrler Kabinetiniň Başlygynyň orunbasary B.Annamämmedow ýurdumyzyň himiýa senagatyny ösdürmek, hususan-da, “Türkmenhimiýa” döwlet konserniniň garamagyndaky kärhanalaryň maddy-enjamlaýyn binýadyny mundan beýläk-de döwrebaplaşdyrmak boýunça alnyp barylýan işler barada hasabat berdi.

Yslamabatda Türkmenistanyň Pakistandaky ilçisi Atajan Möwlamowyň Azerbaýjanyň, Gazagystanyň, Gyrgyzystanyň we Özbegistanyň diplomatlary bilen geçiren duşuşygynda energetika, söwda we ulag ulgamlaryna hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada 2-nji fewralda, ýekşenbe güni, Türkmenistan Halkara habarlar merkezi Türkmenistanyň Pakistandaky ilçihanasyndan alnan maglumata salgylanyp habar berýär.