Türkmenistanyň Döwlet daşary ykdysady iş bankynyň başlygy Rahymberdi Jepbarowyň ýolbaşçylygyndaky türkmen wekiliýeti Wena şäherinde geçirilýän OPEK-iň Ösüş forumy — 2026-a gatnaşýar. Bu barada 24-nji iýunda Türkmenistanyň Halkara habarlar merkezi habar berýär.

Türkmenistanyň Döwlet energetika institutynyň «Gaýtadan dikeldilýän energiýa çeşmeleri» ylmy-önümçilik merkeziniň hünärmenleri 2026-njy ýylyň 8 — 14-nji iýuny aralygynda goňşy Özbegistan Respublikasynyň Garagalpagystan Respublikasyna we Daşkent şäherine örän ähmiýetli we netijeli iş saparyny amala aşyrdy.

22-nji iýunda Azerbaýjanyň we Türkmenistanyň Prezidentleri Serdar Berdimuhamedow hem-de Ilham Aliýew Azerbaýjan Respublikasy tarapyndan Türkmenistana “Dostluk” nebit tankeriniň gowşurylmagy mynasybetli dabara gatnaşdylar. Bu barada TDH habar berýär.

22-nji iýunda Prezident Serdar Berdimuhamedow Azerbaýjan Respublikasyna döwlet saparynyň çäklerinde Ilham Aliýew bilen gepleşikleri geçirdi. “Zagulba” köşgünde ikitaraplaýyn hem-de giňişleýin düzümde gepleşikler geçirildi diýip, TDH habar berýär.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 27-si hasaba alyndy. Daşary ýurt puluna Birleşen Arap Emirlikleriniň, Türkiýäniň, Owganystanyň we Özbegistanyň işewür toparlarynyň wekilleri “Türkmennebit” döwlet konserniniň kärhanasynda öndürilen suwuklandyrylan gazy, gidro usulda arassalanan dizel ýangyjyny, şeýle hem «Türkmenhimiýa» döwlet konserniniň kärhanasynda öndürilen suwuklandyrylan gazy, kükürtden arassalanan dizel fraksiýasyny we motor ýagyny satyn aldylar.

Türkmenistanyň Prezidenti Serdar Berdimuhamedow hem-de Malaýziýanyň Premýer-ministri Anwar Ibrahim «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahatyň çäklerinde türkmen-malaý hyzmatdaşlygyna bagyşlanan sergä gatnaşdylar. Bu barada TDH habar berýär.

19-njy iýunda Prezident Serdar Berdimuhamedow bilen Malaýziýanyň Premýer-ministri Anwar Ibrahimiň arasynda ikitaraplaýyn gepleşikler geçirildi. Malaýziýanyň Premýer-ministriniň ýolbaşçylygyndaky wekiliýet ýurdumyza resmi sapar bilen geldi. Bu barada TDH habar berýär.

Nebitgaz ulgamynda özara gatnaşyklar Türkmenistan bilen Malaýziýanyň uzak möhletli ykdysady we maýa goýum hyzmatdaşlygynyň möhüm şerti bolup çykyş edýär. Bu barada Prezident Serdar Berdimuhamedow «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahatda eden çykyşynda belledi. Bu barada TDH habar berýär.

20-nji iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi. Bu barada TDH habar berýär.

18-nji iýunda Malaýziýanyň Premýer-ministri Anwar Ibrahim resmi sapar bilen ýurdumyza geldi. Bu barada TDH habar berýär.

Prezident Serdar Berdimuhamedow “Türkmennebit” döwlet konsernine Hazar deňziniň türkmen böleginde ýerleşýän ygtyýarlandyrylan toplumlary özleşdirmek boýunça şertnamany baglaşmaga ygtyýar berýän resminama gol çekdi. Degişli karar 18-nji iýunda merkezi neşirlerde çap edildi.

Türkmenistan Owganystanyň durnukly ösüşini üpjün etmek maksady bilen sebit döwletleri, Ýewropa Bileleşigi hem-de halkara guramalary bilen mundan beýläk hem netijeli hyzmatdaşlygy dowam etdirmäge taýýar. Bu barada Türkmenistanyň DIM-niň saýtynda habar berilýär.

Häzirki wagtda 2026-njy ýylyň 21–23-nji oktýabrynda geçiriljek «Türkmenistanyň nebiti we gazy – 2026» atly 31-nji halkara maslahata we sergä işjeň taýýarlyk görülýär.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 54-si hasaba alyndy.

«Türkmengaz» döwlet konserniniň Ylmy-barlag tebigy gaz institutynyň (YBTGI) geofizika bölüminde Türkmenistanyň platforma bölegi we Günorta — Günbatar Türkmenistanyň gaznebitli ülkeleri boýunça geologiýa-geofiziki barlaglaryň hem-de buraw işleriniň maglumatlaryny toplumlaýyn we dessin derňemek, gözleg-barlag işleriniň oňyn ugurlaryny saýlamak, esaslandyrmak we degişli teklipleri taýýarlamak işleri alnyp barylýar.