«Türkmengaz» döwlet konserniniň Ylmy-barlag tebigy gaz institutynda tehniki okuw maslahaty geçirildi. Oňa konserniň ýurdumyzyň ähli sebitlerindäki edara-kärhanalarynyň zähmeti goramak we tehniki howpsuzlyk bölümleriniň işgärleri gatnaşdylar.

«Türkmennebit» döwlet konserniniň ilkinji ýaşlar guramasynyň hem-de Ýagşygeldi Kakaýew adyndaky Halkara nebit we gaz uniwersitetiniň Balkanabat bölüminiň bilelikde guramagynda «Şan-şöhratly ýylymyz bedew badynda, aýdyň maksat şygarynda, adynda» diýen at bilen dabaraly maslahat geçirildi.

7-nji fewralda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň ýanwar aýynda ýerine ýetirilen işleriň jemine bagyşlanan hasabat ýygnagy geçirildi.

6-njy fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň ýanwar aýynda ýurdumyzda alnyp barlan işleriň jemleri jemlenildi. Bu barada TDH habar berýär.

Ahal welaýatynyň Ak bugdaý etrabynda ýerleşýän “Atabaý” käninde geçirilen geologiýa-gözleg we burawlaýyş işleriniň netijesinde «Lebapnebitgazgözleg» ekspedisiýasynyň hünärmenleri nobatdaky zähmet ýeňşini gazandylar.

4-nji fewralda Abu-Dabi şäherinde Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Birleşen Arap Emirlikleriniň wise-prezidenti, Premýer-ministriniň orunbasary, Prezidentiň iş dolandyryş ministri Şeýh Mansur bin Zaýed Al Nahaýýan bilen duşuşdy. Bu barada Türkmenistanyň DIM-nde habar berdiler.

Türkmenbaşydaky nebiti gaýtadan işleýän zawodlar toplumynyň (TNGZT) önümçilik we logistika düzümini giňeltmegiň çäklerinde,«Kenar» kärhanasynyň nebit we nebit önümlerini kabul etmek, saklamak hem-de ibermek üçin niýetlenen täze 3-nji belgili gämiler duralgasy ulanmaga berildi.

3-nji fewralda Dubaý şäherinde Türkmenistanyň daşary işler ministri Raşid Meredow Birleşen Arap Emirlikleriniň Senagat we öňdebaryjy tehnologiýalar ministri, Abu-Dabi Milli nebit kompaniýasynyň (ADNOC) Baş direktory Soltan Ahmed Al-Jaber bilen duşuşdy. Bu barada Türkmenistanyň DIM-niň saýtynda habar berilýär.

Ýagşygeldi Kakaýew adyndaky Halkara nebit we gaz uniwersitetiniň talyplary 2026-njy ýylyň 24-29-njy ýanwary aralygynda Özbegistan Respublikasynyň Buhara şäherinde geçirilen matematika we himiýa boýunça halkara olimpiadalarynda ýurdumyzyň ýokary bilim edarasyna mynasyp wekilçilik etdiler.

Türkmenistanyň Prezidenti Karara gol çekip, «Türkmenistanda sanly ykdysadyýeti ösdürmegiň 2026 — 2028-nji ýyllar üçin Döwlet maksatnamasyny» hem-de ony amala aşyrmak boýunça ýerine ýetirilmeli çäreleriň meýilnamasyny tassyklady.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 25-si hasaba alyndy.

30-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.

Ýagşygeldi Kakaýew adyndaky Halkara nebit we gaz uniwersitetinde 2026-njy ýylyň «Garaşsyz, baky Bitarap Türkmenistan — bedew batly at - myradyň mekany» diýlip yglan edilmegine bagyşlanan "tegelek stoluň" başyndaky söhbetdeşlik geçirildi.

Garaşsyz Döwletleriň Arkalaşygynyň (GDA) Baş sekretary Sergeý Lebedew Türkmenistanyň 2026-njy ýylda guramadaky başlyklygy barada durup geçmek bilen, ýurduň geografik ýerleşişiniň ykdysady meseleleriň, şol sanda üstaşyr-ulag geçelgelerini ösdürmegiň ähmiýetini kesgitleýändigini nygtady. Bu barada Sergeý Lebedew 29-njy ýanwarda Minsk şäherinde Türkmenistanyň başlyklygynda geçirilen GDA-nyň agza döwletleriniň doly ygtyýarly wekilleriniň Geňeşiniň mejlisinde mälim etdi.

Azerbaýjana iş saparynyň dowamynda Türkmenbaşy halkara deňiz portunyň direktory Parahat Jumaýewiň ýolbaşçylygyndaky Türkmenistanyň wekiliýeti “Baku halkara deňiz porty” jogapkärçiligi çäklendirilen jemgyýetiniň direktory Eldar Salahow bilen duşuşdy. Bu barada Türkmenistanyň DIM-nde habar berdiler.